ମୋହାଲି: ଆଇପିଏଲ ଫ୍ରାଞ୍ଜାଇଜ ପଞ୍ଜାବ କିଙ୍ଗ୍ସ ମଙ୍ଗଳବାର ନୂଆ ଜର୍ସି ଉନ୍ମୋଚନ କରିଛି । ଏପ୍ରିଲ 9ରୁ ଆରମ୍ଭ ହେବାକୁ ଯାଉଥିବା ଇଣ୍ଡିଆନ ପ୍ରିମିୟର ଲିଗର ଆଗାମୀ ସଂସ୍କରଣରେ ନୂଆ ନାମ ସହ ନୂଆ ଜର୍ସିରେ ନଜର ଆସିବ ପଞ୍ଜାବ । ଲାଲ୍ ରଙ୍ଗର ଜର୍ସିରେ ଗୋଲ୍ଡେନ ଷ୍ଟ୍ରିପ୍ ରହିଛି ।
ତେବେ ଜର୍ସି ବ୍ୟତୀତ ପଞ୍ଜାବ କିଙ୍ଗସ ବ୍ୟାଟ୍ସମ୍ୟାନ ଏହି ସଂସ୍କରଣର ଆଇପିଏଲରେ ଗୋଲ୍ଡେନ ରଙ୍ଗର ହେଲମେଟ ପିନ୍ଧି ଖେଳିବେ । କେଏଲ ରାହୁଲଙ୍କ ନେତୃତାଧୀନ, ପଞ୍ଜାବ ଟିମକୁ ନୂଆ ରୂପରେ କ୍ରିକେଟ ମଇଦାନରେ ରାଜସ୍ଥାନ ରୟାଲ୍ସ ବିପକ୍ଷରେ ଏପ୍ରିଲ 12ରେ ୱାଙ୍ଖେଡେ ଷ୍ଟାଡିୟମରେ ଦେଖିବାକୁ ମିଳିବ ।