ନୂଆଦିଲ୍ଲୀ:ଇଣ୍ଡିଆନ ପ୍ରିମିୟର ଲିଗ(ଆଇପିଏଲ)ର 2021 ସଂସ୍କରଣ ଖେଳାଳି ନିଲାମ ପୂର୍ବରୁ ପଞ୍ଜାବ କିଙ୍ଗ୍ସ କ୍ୟାପଟେନ କେଏଲ ରାହୁଲଙ୍କ ବ଼ଡ ବୟାନ । ଟିମରେ ଜଣେ ମଧ୍ୟକ୍ରମ ଦକ୍ଷ ଓ ଆକ୍ରମଣାତ୍ମକ ବ୍ୟାଟ୍ସମ୍ୟାନଙ୍କ ଅଭାବ ଥିବା କହିଛନ୍ତି ରାହୁଲ ।
ଆଇପିଏଲ 2021 ଖେଳାଳି ନିଲାମ: ପଞ୍ଜାବ କିଙ୍ଗ୍ସକୁ ରାହୁଲଙ୍କ ସଙ୍କେତ
ଗୋଟିଏ ଥର ବି ଟ୍ରଫି ଟେକିବାର ସୌଭାଗ୍ୟ ଅର୍ଜନ କରିପାରିନଥିବା ପଞ୍ଜାବ ଟିମ ପୂର୍ବ ସଂସ୍କରଣରେ ଆରମ୍ଭରୁ ଭଲ ପ୍ରଦର୍ଶନ କରିଥିଲେ ଟୁର୍ଣ୍ଣାମେଣ୍ଟ ମଧ୍ୟଭାଗରେ ଖରାପ ପ୍ରଦର୍ଶନ ସହ ବାଦ ପଡିଥିଲା । ପରେ ବିସ୍ଫୋରକ ବ୍ୟାଟ୍ସମ୍ୟାନ କ୍ରିସ ଗେଲ୍ଙ୍କୁ ମଧ୍ୟ ସଠିକ ଭାବେ ବ୍ୟବହାର କରିପାରିନଥିବା ଅଭିଯୋଗ ହୋଇଥିଲା । ମୟଙ୍କ ଅଗ୍ରୱାଲ ଓ କେଏଲ ରାହୁଲ, ନିକୋଲାସ ପୁରୋନଙ୍କ ବ୍ୟତୀତ ଅନ୍ୟ କୌଣସି ବ୍ୟାଟମ୍ୟାନ୍ସ ଭଲ ପ୍ରଦର୍ଶନ କରିପାରିନାହାଁନ୍ତି ।