ଚେନ୍ନାଇ: ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷରେ ଆଇପିଏଲ 2021ର ପ୍ରଥମ ମୁକାବିଲା ପୂର୍ବରୁ ମୁମ୍ବାଇ ଇଣ୍ଡିଆନ୍ସ କ୍ୟାପଟେନ ରୋହିତ ଶର୍ମାଙ୍କ ବଡ ବୟାନ । ଷଷ୍ଠ ଟାଇଟେଲ ଲକ୍ଷ୍ୟରେ ଥିବା ମୁମ୍ବାଇ କ୍ୟାପଟେନ ରୋହିତ କହିଛନ୍ତି ଦୁବାଇରେ ଯେଉଁଠି ଶେଷ କରିଥିଲୁ, ସେହିଠାରୁ ଚେନ୍ନାଇରେ ଆରମ୍ଭ କରିବୁ । ରୋହିତଙ୍କ ଏହି ବୟାନ ସାଥୀ ଖେଳାଳିଙ୍କ ମନରେ ଜୋଶ ଭରିବାକୁ ହୋଇଥାଇପାରେ ମାତ୍ର ଏହା ମଧ୍ୟ ବାସ୍ତବ ଯେ ଯେବେ ଏହି ଦୁଇ ଟିମ ମୁହାଁମୁହିଁ ହୋଇଛନ୍ତି କଡା ପ୍ରତିଦ୍ବନ୍ଦ୍ବିତା ଦେଖିବାକୁ ମିଳିଛି ।
ଏପରିକି ଦୁଇ ଟିମର ଖେଳାଳିଙ୍କ ମଧ୍ୟରେ ମୁହାମୁହିଁ ପରିସ୍ଥିତି ହୋଇଛି । ଦୁବାଇରେ ଖେଳାଯାଇଥିବା ଗତ ସଂସ୍କରଣର ଏକ ମ୍ୟାଚରେ ମୁମ୍ବାଇର ସୂର୍ଯ୍ୟକୁମାର ଯାଦବ ଓ ଆରସିବି କ୍ୟାପଟେନ ବିରାଟଙ୍କ ମଧ୍ୟରେ ଟକ୍କର ହୋଇଥିଲା । ଏହାର ଭରପୁର ମଜା ଉଠାଇଥିଲେ ଫ୍ୟାନ୍ସ ।