ଆବୁଧାବି: ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବୋଲର ମହମ୍ମଦ ସିରାଜ ବୁଧବାର ସମସ୍ତଙ୍କୁ ଆଶ୍ଚର୍ଯ୍ୟ କରିଛନ୍ତି । ଚଳିତ ଆଇପିଏଲ ସଂସ୍କରଣରେ କୋଲକାତା ନାଇଟ ରାଇଡର୍ସ ବିପକ୍ଷ ମ୍ୟାଚରେ ଦୁଇଟି ମେଡନ ୱିକେଟ ଓଭର ବୋଲିଂ କରିବା ପରେ ଚର୍ଚ୍ଚାରେ ରହିଛନ୍ତି ।
ସିରାଜ ବିନା କୌଣସି ରନ ବ୍ୟୟରେ ପ୍ରଥମ 3ଟି ୱିକେଟ ହାସଲ କରିଥିଲେ । ଏଥିସହିତ ଆଇପିଏଲ ଇତିହାସରେ ଗୋଟିଏ ମ୍ୟାଚରେ ଦୁଇଟି ମେଡେନ ଓଭର ବୋଲିଂ ସହ ପ୍ରଥମ ବୋଲର ହେବାର ରେକର୍ଡ କରିଛନ୍ତି । ବୁଧବାର ଖେଳାଯାଇଥିବା ଏହି ମ୍ୟାଚରେ କୋଲକାତା ନାଇଟ ରାଇଡର୍ସକୁ ମାତ୍ର 84/8 ରୋକିଥିଲା ଆରସିବି । ପରେ 13.3 ଓଭରରେ ବିଜୟ ଲକ୍ଷ୍ୟକୁ ହାସଲ କରିବା ସହ ଚଳିତ ସଂସ୍କରଣର 7ମ ବିଜୟ ହାସଲ କରିଥିଲା ।