ଆବୁଧାବି: ଆଇପିଏଲର 32ତମ ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ଓ କୋଲକାତା ନାଇଟ ରାଇଡର୍ସ ମଧ୍ୟରେ ହେଉଛି ମୁକାବିଲା । କେକେଆର କ୍ୟାପଟେନ ଇଆନ ମୋର୍ଗାନ ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲେ । ନିର୍ଦ୍ଧାରିତ 20 ଓଭରରେ 5 ୱିକେଟ ହରାଇ କେକେଆର ସଂଗ୍ରହ କରିଛି 148 ରନ । ଫଳରେ ମୁମ୍ବାଇ ଇଣ୍ଡିଆନ୍ସ ସାମ୍ନାରେ 149 ରନର ବିଜୟ ଲକ୍ଷ୍ୟ ରହିଛି ।
କେକେଆର ପକ୍ଷରୁ ସର୍ବାଧିକ ରନହାସଲକାରୀ ଖେଳାଳି ରହିଛନ୍ତି ପାଟ କମିନ୍ସ । ଅଲରାଉଣ୍ଡର କମିନ୍ସ, 36 ବଲରୁ 5 ଚୌକା ଓ 2 ଛକା ସହାୟତାରେ ଅପରାଜିତ 53 ରନର ଅର୍ଦ୍ଧଶତକୀୟ ଇଂନିସ ଖେଳିଛନ୍ତି । କାର୍ତ୍ତିକଙ୍କ ସ୍ଥାନରେ କ୍ୟାପଟେନ ଦାୟିତ୍ବ ସମ୍ଭାଳିଥିବା ଇଆମ ମୋର୍ଗାନ ମଧ୍ୟ ଶେଷ ପର୍ଯ୍ୟନ୍ତ ଅପରାଜିତ ରହି 2 ଚୌକା ଓ 2 ଛକା ସହାୟତାରେ 29 ବଲରୁ 39 ରନର ଇଂନିସ ସହ ଟିମର ସ୍କୋର 140 ପାର କରାଇଥିଲେ ।