ଦୁବାଇ: ଦିଲ୍ଲୀ କ୍ୟାପିଟାଲ୍ସକୁ ବଡ ଝଟକା । ମ୍ୟାଚ ଆରମ୍ଭ ହେବା ପୂର୍ବରୁ ଫାଷ୍ଟ ବୋଲର ଇଶାନ୍ତ ଶର୍ମା ଟ୍ରେନିଙ୍ଗ ସମୟରେ ଆହତ ହୋଇଛନ୍ତି । ଅନୁମାନ କରାଯାଉଛି ସେ ଆଜିର ପଞ୍ଜାବ ବିପକ୍ଷ ମ୍ୟାଚରୁ ବାଦ ପଡିବା ସହ ଆଗାମୀ କିଛି ମ୍ୟାଚରେ ଦଳ ସହ ସାମିଲ ହୋଇ ପାରିବେ ନାହିଁ ।
ରିପୋର୍ଟ ଅନୁସାରେ, ମ୍ୟାଚ ପୂର୍ବରୁ ଟ୍ରେନିଙ୍ଗ ସମୟରେ ଇଶାନ୍ତଙ୍କ ପିଠିରେ ଯନ୍ତ୍ରଣା ଅନୁଭବ ହୋଇଛି ।
ତେବେ ତାଙ୍କ ସ୍ଥାନରେ ହର୍ଷଲ ପଟେଲ, ମୋହିତ ଶର୍ମା ଓ ଅବେଶ ଖାନ ମଧ୍ୟରୁ ଜଣେ ଆସି ପାରନ୍ତି । ସୂଚନାଥାଉକି, ଚଳିତବର୍ଷ ଜାନୁଆରୀରେ ଏଙ୍କଲ ଇଞ୍ଜୋରୀ କାରଣରୁ ଭାରତୀୟ ଦଳରୁ ବାଦ୍ ପଡିଥିଲେ ।
ଆଜି(ରବିବାର) ଦିଲ୍ଲୀ କ୍ୟାପିଟାଲ୍ସ ଚଳିତ ସିଜନର ତା'ର ପ୍ରଥମ ମ୍ୟାଚ ପଞ୍ଜାବ ବିପକ୍ଷରେ ଖେଳିବ । ଅଧିନାୟକ ଶ୍ରେୟସ ଆୟରଙ୍କ ନେତୃତ୍ବରେ ଦୁବାଇ ଗ୍ରାଉଣ୍ଡକୁ ଓହ୍ଲିବେ ଦିଲ୍ଲୀ ଦଳ । ଅନ୍ୟପଟେ ପ୍ରଥମ କରି ଅଧିନାୟକ ଦାୟିତ୍ବ ତୁଲାଇବେ ପଞ୍ଜାବର କେଏଲ ରାହୁଲ ।