ଦୁବାଇ: ଆଜି ଆଇପିଏଲକୁ ମିଳିବ 13ତମ ସଂସ୍କରଣର ବିଜେତା । 52ଦିନର କ୍ରିକେଟ ମହାକୁମ୍ଭର ଆଜି ଅନ୍ତିମ ଦିନ । ତେବେ ଆଜି ଏହି ଫାଇନାଲ ଫାଇଟ ଦୁବାଇ ଇଣ୍ଟରନ୍ୟାସନାଲ ଗ୍ରାଉଣ୍ଡରେ ମୁମ୍ବାଇ ଓ ଦିଲ୍ଲୀ ମଧ୍ୟରେ ଖେଳା ଯିବ । ତେବେ ଏହି ଫାଇନାଲ ବେଶ୍ ରୋମାଞ୍ଚକର ହେବ । କାରଣ 4ଥରର ଚମ୍ପିଆନ ମୁମ୍ବାଇକୁ ଭେଟିବ ପ୍ରଥମ ଥର ଫାଇନାଲରେ ଏଣ୍ଟ୍ରି ମାରିଥିବା ଦିଲ୍ଲୀ କ୍ୟାପିଟାଲ୍ସ ।
ତେବେ ପ୍ରଥମ କରି ଫାଇନାଲରେ ଏଣ୍ଟ୍ରି ମାରିଥିବା ଦିଲ୍ଲୀ କ୍ୟାପିଟାଲ୍ସର 5ଜଣ ଖେଳାଳିଙ୍କ ସମ୍ପର୍କରେ ଜାଣିବା , ଯେଉଁମାନେ ଆଜି ଦିଲ୍ଲୀକୁ ପ୍ରଥମ ଟାଇଟଲ ଜିଣାଇବାରେ ସହଯୋଗ କରି ପାରନ୍ତି ।
1. କାଗିସୋ ରବାଡା
ଦ.ଆଫ୍ରିକାର ଏହି ପେସ ବୋଲର ଆଇପିଏଲ 13ରେ ଜଣେ ମ୍ୟାଚ ବିଜେତା ରୂପେ ସାମ୍ନାକୁ ଆସିଛନ୍ତି । ଏଯାବତ୍ ସେ 29ଟି ଓ୍ବିକେଟ ହାତେଇଛନ୍ତି । ତେବେ ବୁମରା ଓ ରବାଡାଙ୍କ ମଧ୍ୟରେ ପର୍ପଲ କ୍ୟାପର ଲଢେଇ ଦେଖିବାକୁ ଆଜି ମିଳିବ । ଯଦି ଆଜି ଡିସି ଟାଇଟଲ ହାତେଉଛି ତେବେ କାଗିସୋ ରବାଡାଙ୍କ ଭୂମିକା ବେଶ୍ ମହତ୍ତ୍ବପୂର୍ଣ୍ଣ ରହିବ ।
2. ଶିଖର ଧଓ୍ବନ
ଭାରତର ଏହି ଓପନର ଆଇପିଏଲରେ ଦମଦାର ପ୍ରଦର୍ଶନ କରିଛନ୍ତି । ଚଳିତ ସିଜନରେ 145.65 ଷ୍ଟ୍ରାଇକ ରେଟ୍ରେ 603ରନ ସଂଗ୍ରହ କରିଛନ୍ତି । ତେବେ ଚଳିତ ସିଜନରେ କେଏଲ ରାହୁଲଙ୍କ ପରେ ସବୁଠାରୁ ଅଧିକ ରନ୍ କରିଥିବା ଖେଳାଳିଙ୍କ ତାଲିକାରେ 2ୟ ସ୍ଥାନରେ ରହିଛନ୍ତି ଶିଖର ଧଓ୍ବନ ।