ହାଇଦ୍ରାବାଦ: ଆଇପିଏଲ 2020 ଆରମ୍ଭ ନେଇ ଚର୍ଚ୍ଚା ବଢିବାର ଲାଗିଛି । ସେପ୍ଟେମ୍ବର 19ରୁ ଆଇପିଏଲର 13ତମ ସଂସ୍କରଣ ଆରମ୍ଭ ନେଇ ଘୋଷଣା ପରେ କ୍ରିକେଟ ପ୍ରେମୀ ଉତ୍ସାହିତ ଅଛନ୍ତି ।
ସୂଚନା ଅନୁଯାୟୀ, ଧୋନିଙ୍କ ନେତୃତ୍ବରେ ଚେନ୍ନାଇ ସୁପର କିଙ୍ଗ୍ସ ଅଗଷ୍ଟ 2ୟ ସପ୍ତାହରେ ୟୁଏଇରେ ପହଞ୍ଚିବ । ଅଧିକାଂଶ ଟିମ ଅଗଷ୍ଟ 20 ସୁଦ୍ଧା ୟୁଏଇ ରେ ପହଞ୍ଚିବା ସମ୍ବାବହନା ରହିଛି । ତେବେ ଗୋଟିଏ ସପ୍ତାହ ପୂର୍ବରୁ ସିଏସକେ ଟିମ ପହଞ୍ଚି ପରିବେଶ ସହ ଖାପଖୁଆଇବା ସହ, ପ୍ରସ୍ତୁତି ଆରମ୍ଭ କରିବ । ମହାମାରୀ କୋରୋନା ଭାଇରସ ଯୋଗୁଁ ସିଏସକେର ଅଭ୍ୟାସ ଶିବିର ଅଧାରୁ ବାଧାପ୍ରାପ୍ତ ହୋଇଥିଲା । ଫଳରେ ପୂର୍ବରୁ ପ୍ରସ୍ତୁତି ଲକ୍ଷ୍ୟରେ ରହିଛି ଟିମ ।