ହାଇଦ୍ରାବାଦ: ଟୁର୍ଣ୍ଣାମେଣ୍ଟର 15 ତମ ମ୍ୟାଚ୍ ଶନିବାର ଦିନ ଆଇପିଏଲରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ରାଜସ୍ଥାନ ରୟାଲ୍ସ ମଧ୍ୟରେ ଖେଳା ଯାଇଥିଲା । ଯାହା ଆରସିବି ଏକପାଖିଆ ଭାବେ 8ଟି ୱିକେଟ୍ ଜିତିଥିଲା । ଦଳର ବିଜୟରେ ଅଧିନାୟକ ବିରାଟ କୋହଲି ଏବଂ ଯୁବ ଓପନର୍ ଦେବଦତ୍ତ ପାଦିକ୍କାଲ ଚମତ୍କାର ବ୍ୟାଟିଂ କରି ରାଜସ୍ଥାନକୁ ମାତ୍ ଦେଇଥିଲେ ।
ଯୁବ ବ୍ୟାଟ୍ସମ୍ୟାନ୍ ଦେବଦତ୍ତ ପାଦିକ୍କାଲ ନିଜ ଇନିଂସ ସହିତ ସାରା ବିଶ୍ୱରେ କ୍ରିକେଟ୍ ପ୍ରଶଂସକଙ୍କୁ ପ୍ରଭାବିତ କରିଥିଲେ । ପାଦିକକାଲ ମାତ୍ର 45 ବଲ ସମ୍ମୁଖୀନ ହୋଇ ଚମତ୍କାର 63 ରନ୍ ସଂଗ୍ରହ କରିଥିଲେ । ଆରସିବିର ଏହି ଓପନର୍ ତାଙ୍କ ଇନିଂସରେ 6ଟି ଚୌକା ଓ 6 ଛକା ମାରିଥିଲେ ।
ରାଜସ୍ଥାନ ବିପକ୍ଷରେ 50 ରନ୍ ଛୁଇଁବା ସହିତ ଦେବଦତ୍ତ ପାଦିକଲଙ୍କ ନାମରେ ଏକ ନିଆରା ରେକର୍ଡ ମଧ୍ୟ ପଞ୍ଜିକୃତ ହୋଇଥିଲା । ବାସ୍ତବରେ, ପାଦିକ୍କଲ୍ ଆଇପିଏଲ୍ ଇତିହାସର ପ୍ରଥମ ଖେଳାଳି ଭାବରେ ତାଙ୍କର ପ୍ରଥମ 4ଟି ମ୍ୟାଚ୍ ମଧ୍ୟରୁ 3ଟିରେ ଅର୍ଦ୍ଧଶତକ ହାସଲ କରିଥିଲେ । ଏପର୍ଯ୍ୟନ୍ତ ଖେଳାଯାଇଥିବା 4ଟି ମ୍ୟାଚ୍ରେ ଦେବଦତ୍ତ ପାଦିକକାଲ 134.88 ଷ୍ଟ୍ରାଇକ୍ ହାର ସହିତ 174 ରନ୍ ସଂଗ୍ରହ କରିଛନ୍ତି ।
ପାଦିକଲ ନିଜର ଆଇପିଏଲ ଡେବ୍ୟୁରେ ସନରାଇଜର୍ସ ହାଇଦ୍ରାବାଦ ବିପକ୍ଷରେ 42 ବଲରେ 56 ରନ୍ ସଂଗ୍ରହ କରିଥିବାବେଳେ ଡିଫେଣ୍ଡିଂ ବିଜେତା ମୁମ୍ବାଇ ଇଣ୍ଡିଆନ୍ସ ବିପକ୍ଷରେ 40 ଟି ବଲରେ 54 ରନ୍ କରିଥିଲେ । 20 ବର୍ଷୀୟ ଦେବଦତ୍ତ ମଧ୍ୟ ଗତ ବର୍ଷ ଆରସିବି ଦଳର ଏକ ଅଂଶ ଥିଲେ । କିନ୍ତୁ ଡେବ୍ୟୁ କରିବାର ସୁଯୋଗ ପାଇପାରି ନଥିଲେ । ବାଙ୍ଗାଲୋର ଦଳ ଏପର୍ଯ୍ୟନ୍ତ 4ଟି ମ୍ୟାଚ୍ ଖେଳି 3ଟି ଜିତିଛି । ଅକ୍ଟୋବର 5, ସୋମବାର ଦିନ ଦୁବାଇରେ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ଦଳ ସେମାନଙ୍କର 5ମ ମ୍ୟାଚ୍ ଖେଳିବ ।
