ହାଇଦ୍ରାବାଦ: ଆରମ୍ଭ ହୋଇସାରିଛି ଆଇପିଏଲ ଲଢେଇ । ଟୁର୍ଣ୍ଣାମେଣ୍ଟ ଆଗକୁ ଆଗକୁ ବଢିବା ସହ ଆଇପିଏଲର ରୋମାଞ୍ଚ ମଧ୍ୟ ବଢିବାରେ ଲାଗିଛି । ଆଜି ୟୁଏଇର ଶାରଜାହା ଷ୍ଟାଡିୟମରେ ଚେନ୍ନାଇ ସୁପର କିଙ୍ଗ୍ସ ବିପକ୍ଷରେ ପ୍ରଥମ ମ୍ୟାଚ ଖେଳିବାକୁ ଓହ୍ଲାଇବ ରାଜସ୍ଥାନ ରୟାଲ୍ସ । ତେବେ ଆଜି ମ୍ୟାଚର ଷ୍ଟାର୍ଟ୍ସ ଏବଂ ରେକର୍ଡକୁ ନେଇ ଦେଖନ୍ତୁ ଆମର ସ୍ପେଶାଲ ରିପୋର୍ଟ, ‘ଆଇପିଏଲ ସମର’ ।
ସିଜିନ ଓପନରରେ ସିଏସକେର ସାନଦାର ବିଜୟ, ଦିଲ୍ଲୀ-ପଞ୍ଜାବ ସୁପର ଓଭର ଲଢେଇ ଓ ଆରସିବିର ଆକ୍ରାମଣାତ୍ମକ ଆରମ୍ଭ ପରେ ଆଜି ଖେଳାଯିବା ଧନୀ ଲିଗର 4ର୍ଥ ମ୍ୟାଚ । ଆଇପିଏଲର ପ୍ରଥମ ଚମ୍ପିଆନ ରାଜସ୍ଥାନ ରୟାଲ୍ସ ଓ 3ଥର ଚମ୍ପିଆନ ଚେନ୍ନାଇ ସୁପରକିଙ୍ଗ୍ସ ମଧ୍ୟରେ ଖେଳାଯିବ ଏହି ମ୍ୟାଚ । ନୂଆ ଭେନ୍ୟୁ ଶାରଜାହାରେ ଆରଆର ନିଜର ଆଇପଏଲ ଯାତ୍ରା ଆରମ୍ଭ କରୁଥିବାବେଳେ 2ୟ ମ୍ୟାଚରେ ବିଜୟ ଧାରା ଜାରି ରଖିବାକୁ ଚାହିଁବ ଚେନ୍ନାଇ ଥାଲାଙ୍କ ଚେନ୍ନାଇ ସୁପର କିଙ୍ଗ୍ସ ।
ତେବେ ଆଜି ମ୍ୟାଚରେ ଚେନ୍ନାଇ ପଲ୍ଲା ଭାରୀ ରହିଥିବା ଅନୁମାନ କରାଯାଉଛି । ମୁଖ୍ୟତଃ ବିଦେଶୀ ଖେଳାଳିଙ୍କ ଉପରେ ନିର୍ଭର କରୁଥିବା ରାଜସ୍ଥାନ ପାଇଁ ଆଜି ମ୍ୟାଚ ବେଶ ମହାଙ୍ଗା ସାବ୍ୟାସ୍ତ ହୋଇପାରେ । କାରଣ ଦଳରେ ଅଲରାଉଣ୍ଡର ବେନଷ୍ଟୋକ୍ସ ଓ ଓପନର ବଟଲରଙ୍କୁ ସ୍ଥାନ ମିଳିପାରି ନାହିଁ । ଫଳରେ ଆଜିର ଲାଇମ ଲାଇଟ ସାଜିବେ ଇଂଲଣ୍ଡର ପେସର ଜୋଫ୍ରା ଆର୍ଚର ଓ କଙ୍ଗାରୁ କିଙ୍ଗ ଷ୍ଟିଭ ସ୍ମିଥ ।
- ତେବେ ଯଦି ଦୁଇ ଦଳର ହେଡ ଟୁ ହେଡ ରେକର୍ଡ ଉପରେ ନଜର ପକାଇବା, ଦୁଇ ଦଳ ମଧ୍ୟରେ ମୋଟ 21ଟି ମ୍ୟାଚ ଖେଳାଯାଇଥିଲା । ଯେଉଁଠି ଆରଆର ହାତରେ 7ଟି ମ୍ୟାଚ ଲାଗିଥିବାବେଳେ 14ଟି ମ୍ୟାଚ ଉପରେ କବଜା କରିଛି ଚେନ୍ନାଇ ।