ଆବୁଧାବି: ଚଳିତ ଲିଗ୍ର 50ତମ ମୁକାବିଲାରେ ରାଜସ୍ଥାନ ରୟାଲ୍ସର ବାଜିମାତ୍ । କିଙ୍ଗ୍ସ ଏକାଦଶ ପଞ୍ଜାବକୁ 7ଓ୍ବିକେଟରେ ହରାଇଲା ରାଜସ୍ଥାନ । ବିସ୍ଫୋରକ ଅର୍ଦ୍ଧଶତକ ଇଂନିସ ଖେଳିଥିବା ଓପନର ବେନ୍ ଷ୍ଟୋକ୍ସଙ୍କୁ ମ୍ୟାନ ଅଫ୍ ଦି ମ୍ୟାଚ ।
ତେବେ ରାଜସ୍ଥାନ ଶୁକ୍ରବାର ମ୍ୟାଚରେ ପଞ୍ଜାବକୁ ମାତ୍ ଦେଇ କିଙ୍ଗ୍ସ ଏକାଦଶ ପଞ୍ଜାବର ବିଜୟଧାରରେ ବ୍ରେକ୍ ଲଗାଇଛି । ରୟାଲ୍ସର ବ୍ୟାଟ୍ସମ୍ୟାନଙ୍କ ଦମଦାର ପ୍ରଦର୍ଶନରେ ଦଳ 6ଷ୍ଠ ବିଜୟ ହାସଲ କରିଛି । ଏହି ବିଜୟ ପରେ ଦଳ 12ପଏଣ୍ଟ ସହ ପଏଣ୍ଟ ଟେବୁଲର 5ମ ସ୍ଥାନରେ ରହିଛି । ସେହିପରି ପଞ୍ଜାବ 12 ପଏଣ୍ଟ ସହ 4ର୍ଥ ସ୍ଥାନରେ ରହିଛି । କାରଣ ନେଟ୍ ରନ ରେଟ୍ ପଞ୍ଜାବର ଅଧିକ ରହିଛି ।
କିଙ୍ଗ୍ସ ଏକାଦଶ ପଞ୍ଜାବ 186ରନର ଟାର୍ଗେଟ ଦେଇଥିଲା । ଏହି ବିଜୟଲକ୍ଷ୍ୟକୁ ପିଛା କରି ରାଜସ୍ଥାନର ବେନ ଷ୍ଟୋକ୍ସ(50), ସଞ୍ଜୁ ସାମସନ (48), ଅଧିନାୟକ ଷ୍ଟିଭ ସ୍ମିଥ (31*) , ଉତ୍ଥପା (30) ଓ ଜସ ବଟଲର(22*) ଇଂନିସ ବଳରେ 17.3ଓଭରରେ 3ଓ୍ବିକେଟ ହରାଇ 186ରନ୍ ହାସଲ କରିଥିଲା ।