ମୁମ୍ବାଇ: ୱାଙ୍ଖଡେ ଷ୍ଟାଡିୟମର 10ଜଣ ସଦସ୍ୟ କୋରୋନା ପଜିଟିଭ ପରେ ମୁମ୍ବାଇରେ ଆଇପିଏଲ ମ୍ୟାଚ ଖେଳାଯିବାକୁ ନେଇ ଆଶଙ୍କା ଦେଖାଦେଇଛି । ମୁମ୍ବାଇ ସହରରେ ଦୈନିକ ସଂକ୍ରମଣ ମାମଲା ରେକର୍ଡ ମାତ୍ରାରେ ବୃଦ୍ଧି ପାଉଛି । ତେବେ ଏପ୍ରିଲ 10ରୁ 25 ମଧ୍ୟରେ ପୂର୍ବ ନିର୍ଦ୍ଧାରିତ ଆଇପିଏଲ ମ୍ୟାଚ ସୂଚୀ ଅନୁଯାୟୀ, ମ୍ୟାଚ ଆୟୋଜନ ନେଇ ଆଶାବାଦୀ ରହିଛି ବିସିସିଆଇ । ମେଗା ଟି20 ଲିଗର 10ଟି ମ୍ୟାଚ ମୁମ୍ବାଇରେ ଖେଳାଯିବାନେଇ ସୂଚୀ ରହିଛି ।
କୋଭିଡ ସ୍ଥିତି ଅଣାୟତ୍ତ ହେଲେ, ଇନ୍ଦୋର ଓ ହାଇଦ୍ରାବାଦକୁ ଷ୍ଟାଣ୍ଡବାଏ ଆଇପିଏଲ ଭେନ୍ୟୁ ଭାବେ ରଖାଯାଇଥିବା ସୂଚନା ରହିଛି ।