ଭାରତ ବନାମ ଦକ୍ଷିଣ ଆଫ୍ରିକା: ପ୍ରଥମ ଟେଷ୍ଟ ଦ୍ବିଶତକ ହାସଲ କଲେ ରୋହିତ

ଦକ୍ଷିଣ ଆଫ୍ରିକା ବିପକ୍ଷ ତୃତୀୟ ଟେଷ୍ଟରେ ନିଜ କ୍ୟାରିୟରର ପ୍ରଥମ ଦ୍ବିଶତକ ହାସଲ କଲେ ରୋହିତ ଶର୍ମା । ଛକା ମାରି ଦ୍ବିଶତକ ହାସଲ କଲେ ସେ ।

ରାଞ୍ଚି: ଦକ୍ଷିଣ ଆଫ୍ରିକା ବିପକ୍ଷ ତୃତୀୟ ଟେଷ୍ଟରେ ନିଜ କ୍ୟାରିୟରର ପ୍ରଥମ ଦ୍ବିଶତକ ହାସଲ କଲେ ହିଟ୍‌ ମ୍ୟାନ ରୋହିତ ଶର୍ମା । ରାଞ୍ଚିରେ ସେ ଏହି ସଫଳତା ହାସଲ କରିଛନ୍ତି । ଦିନିକିଆରେ ତିନୋଟି ଦ୍ବିଶତକ ମାରିଥିବା ରୋହିତ ଆଜି ନିଜର ପ୍ରଥମ ଟେଷ୍ଟ ଦ୍ବିଶତକ ମାରିଛନ୍ତି ।

ତାଙ୍କର ଦ୍ବିଶତକରେ 28ଟି ଚୌକା ଓ 5ଟି ଛକା ସାମିଲ ଅଛି । ଗତକାଲି(ଶନିବାର) ସେ 117 ରନ କରି ଅପରାଜିତ ଥିବାବେଳେ ଆଜି ଏହାକୁ ଦ୍ବିଶତକରେ ପରିଣତ କରିଛନ୍ତି । ତେବେ ଲଞ୍ଚ ସୁଦ୍ଧା 199 ରନ କରିଥିବାବେଳେ ଲଞ୍ଚ ପରେ ଛକା ମାରି ନିଜର ପ୍ରଥମ ଦ୍ବିଶତକ ହାସଲ କରିଛନ୍ତି ରୋହିତ ।