ନୂଆଦିଲ୍ଲୀ: ଭାରତୀୟ କ୍ରିକେଟ ଟିମର ଦ୍ରୁତ ବୋଲର ଈଶାନ୍ତ ଶର୍ମା ବୁଧବାର 32 ବର୍ଷରେ ପାଦ ଦେଇଛନ୍ତି । 1988 ମସିହା ସେପ୍ଟେମ୍ବର 2 ତାରିଖରେ ଜନ୍ମ ହୋଇଥିଲେ ଈଶାନ୍ତ । ଏହା ଅବସରରେ ଈଶାନ୍ତଙ୍କ ସାଥୀ ଖେଳାଳିଙ୍କ ସହ ପୂର୍ବତନ ଖେଳାଳିମାନେ ମଧ୍ୟ ତାଙ୍କୁ ଜଣାଇଛନ୍ତି ଶୁଭେଚ୍ଛା । ଆଇସିସି, ବିସିସିଆଇ, ବିରାଟ କୋହଲି, ହରଭଜନ ସିଂହ, ରୋହିତ ଶର୍ମା, ଶିଖର ଧୱନ, ଅଜିଙ୍କ୍ୟ ରାହାଣେ ଆଦି ଖେଳାଳି ଈଶାନ୍ତଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।
6 ଫୁଟ 4 ଇଞ୍ଚ ଉଚ୍ଚତା ବିଶିଷ୍ଟ ଏହି ଖେଳାଳି ଖୁବ କମ ବୟସରେ ଭାରତୀୟ ଟିମରେ ଡେବ୍ୟୁ କରିଥିଲେ, ତେଣୁ କରି ତ 32 ବର୍ଷ ବୟସରେ ସେ 97ଟି ଟେଷ୍ଟ ଖେଳି ସାରିଛନ୍ତି । ଏହାଛଡା ଈଶାନ୍ତ 80ଟି ଦିନିକିଆ ଓ 14ଟି ଟି-20 ମ୍ୟାଚ ମଧ୍ୟ ଖେଳିଛନ୍ତି । ଭାରତୀୟ ଟିମକୁ ଅନେକ ଥର ଈଶାନ୍ତ ମ୍ୟାଚ ଜିତାଇଛନ୍ତି, ସେ 2013 ଚାମ୍ପିୟନ୍ସ ଟ୍ରଫି ଫାଇନାଲ ହେଉ କିମ୍ବା ଶ୍ରୀଲଙ୍କାରେ ତାଙ୍କର ଦମଦାର ବୋଲିଂ ହେଉ । କିନ୍ତୁ ସବୁଠାରୁ ସ୍ମରଣୀୟ ହୋଇ ରହିଥିଲା ଅଷ୍ଟ୍ରେଲିଆରେ ରିକି ପଣ୍ଟିଂଙ୍କ ବିରୋଧରେ ତାଙ୍କ ବୋଲିଂ । ଈଶାନ୍ତଙ୍କ ଜନ୍ମଦିନରେ ଆସନ୍ତୁ ଜାଣିବା କିପରି ସେ ମାତ୍ର 19 ବର୍ଷ ବୟସରେ ନିଜର ପ୍ରଥମ ଅଷ୍ଟ୍ରେଲିଆ ଗସ୍ତରେ ରିକି ପଣ୍ଟିଂଙ୍କୁ ନିଜ ବୋଲିଂରେ କିପରି ନାକେଦମ କରି ଦେଇଥିଲେ ।