ନୂଆଦିଲ୍ଲୀ: ଓଡିଶାରେ ବାତ୍ୟା ଫନି ତାର କରାଳ ଏବଂ ଭୟଙ୍କର ରୂପ ଦେଖାଇଛି । ଉପକୂଳ ଓଡିଶା ସମେତ ରାଜ୍ୟରେ ବିଭିନ୍ନ ପ୍ରାନ୍ତରେ ଏବେ ବି ଭିଷଣ ପବନ ଓ ବର୍ଷା ଲାଗି ରହିଛି । ପବନର ବେଗ ଏତେ ଅଧିକ ରହିଛି ଯେ ଘର, ବିଦ୍ୟୁତ ଖୁଣ୍ଟ, ବଡ ଗଛ, ଯାନବାହନ ଆଦି ଭାଙ୍ଗି ଚୁମମାର ହୋଇଯାଇଛି ।
ଏପରି ସ୍ଥିତିରେ ସମଗ୍ର ଦେଶବାସୀ ଓଡିଶା ପାଇଁ ପ୍ରାର୍ଥନା କରୁଛନ୍ତି । ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ମଧ୍ୟ ବାତ୍ୟା ଫନିରେ ପ୍ରଭାବିତ ଓଡିଶାବାସୀଙ୍କ ପାଇଁ ପ୍ରାର୍ଥନା କରିଛନ୍ତି ।
ସିନିୟର କ୍ରିକେଟର ହରଭଜନ ସିଂ, ଚେତେଶ୍ବର ପୂଜାରା, ଶିଖର ଧାୱନ, ରୋହିତ ଶର୍ମା ଫନିରେ ପ୍ରଭାବିତଙ୍କ ପାଇଁ ପ୍ରାର୍ଥନା କରିବା ସହ ଏହି ସମୟରେ ଧୈର୍ଯ୍ୟ ଧରିବାକୁ କହିଛନ୍ତି । ତେବେ ଓଡିଶାର ଏହି ଦୁର୍ଦ୍ଦିନରେ ପୁରା ଭାରତବାସୀ ଓଡିଶା ସହ ଅଛନ୍ତି । ଟ୍ବିଟ କରି ସମସ୍ତେ ରାଜ୍ୟବାସୀଙ୍କ ପାଇଁ ପ୍ରାର୍ଥନା କରିଛନ୍ତି ।
ସେହ୍ବାଗ ତାଙ୍କ ଟ୍ବିଟର ଆକାଉଣ୍ଟରେ ଜୟ ଜଗନ୍ନାଥ ଲେଖି ଓଡିଶାବାସୀଙ୍କ ପାଇଁ ପ୍ରାର୍ଥନା କରିଛନ୍ତି । ଭାରତୀୟ ମହିଳା କ୍ରିକେଟ ଦଳର ପୂର୍ବତନ ଅଧିନାୟକ ମିତାଲି ରାଜ ଓଡିଶାବାସୀଙ୍କ ପାଇଁ ଇଶ୍ବରଙ୍କ ନିକଟରେ ପ୍ରାର୍ଥନା କରିଛନ୍ତି ।