ହାଇଦ୍ରାବାଦ: ଭାରତୀୟ କ୍ରିକେଟର ତଥା ସୟଦ ମୁସ୍ତାକ ଅଲ୍ଲୀ ଲିଗ୍ର ଅଧିନାୟକ ମନଦୀପ ସିଂ ହେଲେ ବାପା । ଏହାର ସୂଚନା ଖୋଦ୍ ମନଦୀପ ଟ୍ବିଟ କରି ଜଣାଇଛନ୍ତି । ବେବି ବଏର ନାଁ ରାଜବୀର ରଖିଛନ୍ତି ଏହି ଭାରତୀୟ କ୍ରିକେଟର ।
ମନଦୀପ ଟ୍ବିଟ କରି ଲେଖିଛନ୍ତି ଯେ, ସେ ଆସିବାରୁ ଜୀବନ କେତେ ସୁନନ୍ଦର ହୋଇଯାଇଛି । ମତେ ଓ ଜଗଦୀପକୁ ଆମର ଛୋଟ ରାଜକୁମାର ରାଜବୀର ସିଂ ମିଳିଛି ।
ଗତକାଲି ତାଙ୍କ ଘରକୁ ନୂଆ ଅତିଥି ଆସିଥିବା ଟ୍ବିଟରେ ଉଲ୍ଲେଖ କରିଛନ୍ତି କ୍ରିକେଟର ମନଦୀପ ।
ଖବରମୁତାବକ, ମନଦୀପ 25 ଡିସେମ୍ବର 2016ରେ ଗାର୍ଲଫ୍ରେଣ୍ଡ ଜଗଦୀପଙ୍କୁ ବିବାହ କରିଥିଲେ । ତାଙ୍କ ବିବାହଘରେ ପୂର୍ବତନ ଅଧିନାୟକ ଏମଏସ ଧୋନି ଓ ହରଭଜନ ସିଂ ସାମିଲ ହୋଇଥିଲେ ।
ସେ ଆଇପିଏଲରେ ପଞ୍ଜାବ, କୋଲକାତା, ଆରସିବି ପାଇଁ ଖେଳିଛନ୍ତି । ତେବେ ଏହି ଖେଳାଳି କିଛି ଦିନ ହେବ ଚର୍ଚ୍ଚାରେ ରହିଛନ୍ତି । କାରଣ କୃଷକ ଆନ୍ଦୋଳନରେ ପହଞ୍ଚି ସେମାନଙ୍କ ସମର୍ଥନ କରିଥିଲେ ।
