ଚେନ୍ନାଇ: ଆଜି ଭାରତ ଓ ଭ୍ରମଣକାରୀ ୱେଷ୍ଟଇଣ୍ଡିଜ ମଧ୍ୟରେ ପ୍ରଥମ ଦିନିକିଆ ଖେଳାଯିବ। ଚେନ୍ନାଇର ଏମଏ ଚିଦାମ୍ବରମ ଷ୍ଟାଡିୟମରେ ଏହି ମ୍ୟାଚ ଖେଳାଯିବ । ଆଜିର ଏହି ମ୍ୟାଚରେ ପିଚ ଧୀମା ରହିବା ସମ୍ଭାବନା ରହିଛି । ଗତ 48 ଘଣ୍ଟା ମଧ୍ୟରେ ସେଠାରେ ସାମାନ୍ୟ ବର୍ଷା ହୋଇଥିବା ଦେଖାଯାଇଛି । ତେବେ ଆଜିର ପାଗ ଶୁଖିଲା ରହିବ ବୋଲି ପାଣିପାଗ ବିଭାଗ ଅନୁମାନ କରିଛି ।
ଭାରତର ନିୟମିତ ଓପନର ଶିଖର ଧାୱନ ଆହତ କାରଣରୁ ଦଳରୁ ବାଦ ପଡିଛନ୍ତି । ଫଳରେ ତାଙ୍କ ସ୍ଥାନରେ ମୟଙ୍କ ଅଗ୍ରୱାଲଙ୍କୁ ଦଳରେ ସାମିଲ କରାଯାଇଛି । ହେଲେ ରୋହିତ ଶର୍ମାଙ୍କ ସହ କେଏଲ ରାହୁଲଙ୍କୁ ଓପନିଂ କରିବାର ସୁଯୋଗ ମିଳିପାରେ । ସେହିପରି ଭୁବନେଶ୍ବର କୁମାରଙ୍କ ବଦଳରେ ସାର୍ଦ୍ଦୁଲ ଠାକୁରଙ୍କୁ ଦଳରେ ସାମିଲ କରାଯାଇପାରେ । ଭାରତ ଏହି ପିଚରେ ଦୁଇ ଜଣ ବିଶେଷଜ୍ଞ ପେସରଙ୍କୁ ଖେଳାଇପାରେ ।