କଟକ: ନିରାଶ ହେବେନି କ୍ରିକେଟପ୍ରେମୀ । ବାରବାଟୀ ଷ୍ଟାଡିୟମରେ ଡିସେମ୍ବର 22ରେ ଖେଳାଯିବ ଭାରତ ବନାମ ୱେଷ୍ଟଇଣ୍ଡିଜ ମ୍ୟାଚ୍ । ଏନେଇ ବିସିସିଆଇ ସହ ହୋଇଛି ଆଲୋଚନା । କେବଳ ଫ୍ଲଡ ଲାଇଟର ମରାମତି ସରିଗଲେ ଗ୍ରାଉଣ୍ଡ ଓ ପାଭିଲୟନ କାମ ଶୀଘ୍ର ସରିବ । ଏହାପରେ ମ୍ୟାଚ ବିନା ଦ୍ଵିଧାରେ ହୋଇପାରିବ ବୋଲି କହିଛନ୍ତି ଓସିଏ ସମ୍ପାଦକ ସଞ୍ଜୟ ବେହେରା ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ଫନି ପରେ ଷ୍ଟାଡିୟମର ସ୍ଥିତି ବେହାଲ ହୋଇଯାଇଛି । ବିଶେଷକରି ଫ୍ଲଡ୍ ଲାଇଟର ଅବସ୍ଥା ଜରାଜୀର୍ଣ୍ଣ । ତେବେ ଏହି ଫ୍ଲଡ୍ ଲାଇଟ ସଂକ୍ରାନ୍ତରେ କପିଳ ଦେବଙ୍କ ସହ ଆଲୋଚନା ସରିଛି । ସେ ମଧ୍ୟ ଖୁବଶୀଘ୍ର ସାହାଯ୍ୟ କରିବା ନେଇ ମତ ପ୍ରକାଶ କରିଛନ୍ତି ବୋଲି ଓସିଏ ସମ୍ପାଦକ କହିଛନ୍ତି ।