କଟକ: ଭାରତ-ୱେଷ୍ଟଇଣ୍ଡିଜ ମଧ୍ୟରେ ବାରବାଟୀରେ ଦିନିକିଆ ସିରିଜର 3ୟ ତଥା ଅନ୍ତିମ ମ୍ୟାଚ ଖେଳାଯାଉଛି । ଉଭୟ ଟିମ ଗୋଟିଏ ଲେଖାଏଁ ମ୍ୟାଚ ଜିତିଛନ୍ତି । ଫଳରେ 1-1ରେ ସିରିଜ ବରାବର ରହିଛି । ତେବେ ନିର୍ଣ୍ଣାୟକ ମ୍ୟାଚକୁ ଜିତି ସିରିଜ ବିଜୟ ଲକ୍ଷ୍ୟରେ ରହିଛନ୍ତି ଉଭୟ ଟିମ ।
ଟସ ଜିତି ପ୍ରଥମେ ଫିଲ୍ଡିଂ ନିଷ୍ପତ୍ତି ନେଇଛନ୍ତି କ୍ୟାପଟେନ ବିରାଟ କୋହଲି । ଫଳରେ ୱେଷ୍ଟଇଣ୍ଡିଜ ପ୍ରଥମେ ବ୍ୟାଟିଂ ପାଇଁ ଆମନ୍ତ୍ରଣ କରାଯାଇଛି । ଭାରତ ପକ୍ଷରୁ ନବଦୀପ ସାଇନି ଦିନିକିଆ ମ୍ୟାଚରେ ଡେବ୍ୟୁ କରିଛନ୍ତି । କ୍ୟାପଟେନ ବିରାଟ କୋହଲି ସାଇନିଙ୍କୁ କ୍ୟାପ ପ୍ରଦାନ କରିଛନ୍ତି ।