ହାଇଦ୍ରାବାଦ: ଭାରତ-ୱେଷ୍ଟଇଣ୍ଡିଜ ଦିନିକିଆ ସିରିଜର 2ୟ ମ୍ୟାଚ ଆଜି ଖେଳାଯିବ । 3ଟିକିଆ ଦିନିକିଆ ସିରିଜର ପ୍ରଥମ ମ୍ୟାଚ ବର୍ଷା ଯୋଗୁଁ ସମ୍ଭବ ହୋଇ ପାରିନଥିଲା । ତେଣୁ ଆଜିର ମ୍ୟାଚକୁ ଜିତି 1-0ରେ ଆଗୁଆ ହେବା ଲକ୍ଷ୍ୟରେ ଉଭୟ ଟିମ ରହିଛନ୍ତି । କାରଣ ଆଜିର ମ୍ୟାଚରେ ବିଜୟୀ ଟିମ ସିରିଜ ପରାଜୟ ଭୋଗିବ ନାହିଁ ।
ଭାରତ ପକ୍ଷରୁ ଶ୍ରେୟସ ଆୟର ଟି-20 ସିରିଜରେ ସୁଯୋଗ ପାଇନଥିଲେ । ପ୍ରଥମ ଦିନିକିଆରେ ଶ୍ରେୟସ ଚୂଡାନ୍ତ ଏକାଦଶରେ ସ୍ଥାନ ପାଇଥିଲେ । ମାତ୍ର ୱେଷ୍ଟଇଣ୍ଡିଜ ପାଳିର 13 ଓଭର ହିଁ ଖେଳ ହୋଇପାରିଥିଲା । ପରେ ଅଧିକ ବର୍ଷା ବିନା ପରିଣାମରେ ମ୍ୟାଚ ବନ୍ଦ ରଖିବାକୁ ବାଧ୍ୟ କରିଥିଲା । ତେଣୁ ଆଜିର ମ୍ୟାଚ ସଂପୂର୍ଣ୍ଣ 50 ଓଭର ଖେଳାଯିବା ନେଇ ସମସ୍ତଙ୍କ ଆଶା ରଖିଛନ୍ତି । ଧାୱନ ଦଳକୁ ଫେରିବା ପରେ ରାହୁଲ ସ୍ଥାନ 4ନଂକୁ ଆସିଛି । କେଦାର ଯାଦବ ମଧ୍ୟ ସୁଯୋଗ ଅପେକ୍ଷାରେ ରହିଛନ୍ତି । ସ୍ପିନ ବୋଲିଂରେ କୁଲଦୀପ ଓ ଜାଡେଜାଙ୍କ ଉପରେ ଭରସା କରିବ ଭାରତ । ଭୁବନେଶ୍ବରଙ୍କ ସ୍ଥାନରେ ନବଦୀପ ସାଇନି କମାଲ କରିବା ଲକ୍ଷ୍ୟରେ ଅଛନ୍ତି ।