ଭୁବନେଶ୍ବର: ଐତିହାସିକ ବାରବାଟୀରେ ହେବ ଭାରତ- ୱେଷ୍ଟଇଣ୍ଡିଜ 2ୟ ଦିନିକିଆ ମ୍ୟାଚ । ମ୍ୟାଚ ପାଇଁ ଡିସେମ୍ବର 5ରୁ ଅନଲାଇନରେ ଟିକେଟ ବିକ୍ରି ଆରମ୍ଭ ହେବ । ସେହିଭଳି 19ରେ ଷ୍ଟାଡିୟମ କାଉଣ୍ଟରରେ ମିଳିବ ଅଫ ଲାଇନ ଟିକେଟ । ଶନିବାର ସୁରକ୍ଷା ବୈଠକ ପରେ ଓସିଏ ସମ୍ପାଦକ ଏବଂ ପୋଲିସ କମିଶନର ଏହି ସୂଚନା ଦେଇଛନ୍ତି । ତେବେ ଅରିଜିନାଲ ଟିକେଟରେ ରହିବ ଓସିଏର ଲୋଗୋ ।
ବାରବାଟୀ ଦିନିକିଆ
ସେହିପରି ୩ ବର୍ଷରୁ ଅଧିକ ବୟସର ପିଲାଙ୍କ ପାଇଁ ଟିକେଟ ଲାଗୁ ହେବ । ସମସ୍ତ ଟିକେଟରେ 18 ପ୍ରତିଶତ ଜିଏସ୍ଟି ବାଧ୍ୟତାମୂଳକ ହୋଇଛି । ଏହାଛଡ଼ା ଷ୍ଟାଡିୟମ ଭିତରକୁ ଖାଦ୍ୟ ପୁଡ଼ିଆ, ପାଣି ବୋତଲ ଏବଂ ହେଲମେଟ୍ ନେବା ଉପରେ ମଧ୍ୟ କଟକଣା ଜାରି କରାଯାଇଛି । ମ୍ୟାଚ୍ ପାଇଁ ଉଭୟ ଟିମ୍ 19ରେ ଭୁବନେଶ୍ବରରେ ପହଞ୍ଚିବେ ବୋଲି କୁହାଯାଇଛି । ତେବେ ଗତଥର ଭଳି ଏଥର ମଧ୍ୟ ୯ହଜାର ଟିକେଟ ଅନଲାଇନରେ ମିଳିବ । ସେହିପରି ମୋଟ 43 ହଜାର 929 ଟିକେଟରୁ, 10 ହଜାର 484ଟି ଟିକେଟ ବିସିସିଆଇ ଓ ଅଫିସିଆଲ୍ସ ପାଇଁ ରହିବ । ବାକି ଟିକେଟ 19ରୁ କାଉଣ୍ଟରରେ ଉପଲବ୍ଧ ହେବ ।