ପୁଣେ: ଆଜି ଶ୍ରୀଲଙ୍କା ବିପକ୍ଷ ଘରୋଇ ଟି-20 ସିରିଜରେ ଅନ୍ତିମ ମ୍ୟାଚ । ଟସ ହାରି ବ୍ୟାଟିଂ ଆମନ୍ତ୍ରଣ ପାଇଥିବା ଘରୋଇ ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ଓଭରରେ 6 ୱିକେଟ ହାରାଇ 201ରନ କରିଛି। ଫଳରେ ଭ୍ରମଣକାରୀ ଶ୍ରୀଲଙ୍କା ଦଳକୁ କର ବା ମର ମ୍ୟାଚରେ ସିରିଜ ବରାବର କରିବା ପାଇଁ 202ରନ କରିବାକୁ ପଡିବ।
ଆଜିର ମ୍ୟାଚରେ ଦେଖିବାକୁ ମିଳିଛି ଭାରତୀୟ ଦଳର ନୂଆ ରଣନୀତି । ଆଷ୍ଟ୍ରେଲିଆରେ ହେବାକୁଥିବା ଆଗାମୀ ଟି-20 ବିଶ୍ବକପ ପାଇଁ ବେଞ୍ଜଷ୍ଟ୍ରେଙ୍ଗ୍ଥ ପରୀକ୍ଷା କରିବାକୁ ଯାଇ ଯୁବ ଖେଳାଳିଙ୍କୁ ଅପର୍ ଅର୍ଡରେ ବ୍ୟାଟିଂ କରିବାକୁ ସୁଯୋଗ ଦେଇଥିଲେ ଅଧିନାୟକ କୋହଲି । ଅନ୍ୟପଟେ ଓପନିଂ ଯୋଡି ରାହୁଲ-ଧୱନ ଭାରତକୁ ଭଲ ଆରମ୍ଭ ଦେଇଥିଲେ । ଦୁହେଁ ପ୍ରଥମ ୱିକେଟ ପାଇଁ 97ରନ ଯୋଡିଥିଲେ । ରାହୁଲ(54) ଓ ଶିଖର(52) କରି ଆଉଟ ହୋଇଥିଲେ ।