ନୂଆଦିଲ୍ଲୀ: ପୂର୍ବତନ ଅଷ୍ଟ୍ରେଲିଆ ସ୍ପିନର ବ୍ରାଡ ହଗ୍ ଭାରତୀୟ ସ୍ପିନର ରବିଚନ୍ଦ୍ରନ ଅଶ୍ବିନଙ୍କୁ ନେଇ ବଡ ମତ ଦେଇଛନ୍ତି । ଇଂଲଣ୍ଡ ବିପକ୍ଷ ଦିନିକିଆ ସିରିଜରେ ଭାରତୀୟ ସ୍କ୍ବାଡରେ ଅଶ୍ବିନ ସାମିଲ ହେବା ଉଚିତ । ଏହା କହିଛନ୍ତି ହଗ୍ । 34 ବର୍ଷୀୟ ସ୍ପିନର ଅଶ୍ବିନ, ବୋଲିଂ ସହ ଦଳର ନିମ୍ନକ୍ରମ ବ୍ୟାଟିଂ ଶକ୍ତିଶାଳୀ ହୋଇପାରିବ ।
ତେବେ ଅଶ୍ବିନ ଭାରତୀୟ ଟେଷ୍ଟ ସ୍କ୍ବାଡର ପ୍ରମୁଖ ସଦସ୍ୟ ରହିଛନ୍ତି । ଜୁଲାଇ 2017 ପରେ ଅଶ୍ବିନ, ଭାରତୀୟ ସୀମିତ ଓଭର ସ୍କ୍ବାଡରୁ ବାଦ ପଡିଛନ୍ତି । 2017 ୱେଷ୍ଟଇଣ୍ଡିଜ ଗସ୍ତରେ ଶେଷ ଦିନିକିଆ ଓ ଟି20 ମ୍ୟାଚ ଖେଳିଥିଲେ । ଅଶ୍ବିନଙ୍କ ନାମରେ 111 ଦିନିକିଆରୁ 150 ୱିକେଟ ଓ 46 ଟି20ରୁ 52 ୱିକେଟ ରହିଛି ।