ଆଡିଲେଡ: ଆରମ୍ଭ ହୋଇସାରିଛି ଭାରତ-ଅଷ୍ଟ୍ରେଲିଆ ବର୍ଡର ଗାଭାସ୍କର ଟ୍ରଫିର ପ୍ରଥମ ଟେଷ୍ଟ । ଟସ ଜିତି ପ୍ରଥମେ ବ୍ୟାଟିଂ କରୁଛି ଭାରତ । କ୍ୟାପଟେନ ବିରାଟ କୋହଲିଙ୍କ ଦମଦାର ଅର୍ଦ୍ଧଶତକ ହାସଲ କରିବା ସହ ବ୍ୟାଟିଂ ଜାରି ରଖିଛନ୍ତି । ବର୍ତ୍ତମାନ ସୁଦ୍ଧା 139 ବଲରେ 5 ଚୌକା ସହ 53 ରନରେ ଅପରାଜିତ ଅଛନ୍ତି କୋହଲି ।
ପ୍ରଥମ ଦିନ ଖେଳ ଜାରି ରହିଥିବାବେଳେ ଇଂନିସର 62 ଓଭର ସୁଦ୍ଧା ଭାରତର ସ୍କୋର 129/3 ରହିଛି ।
ଓପନର ପୃଥ୍ବୀ ଶ ଭାରତୀୟ ଇଂନିସର ପ୍ରଥମ ଓଭରର ଦ୍ବିତୀୟ ବଲରେ ବିନା କୌଣସି ରନ କରି ମିଚେଲ ଷ୍ଟାର୍କଙ୍କ ଶିକାର ହୋଇଥିଲେ । ପରେ ମୟଙ୍କ ଅଗ୍ରୱାଲଙ୍କ ରୂପରେ ଦଳୀୟ ସ୍କୋର 32 ଥିବାବେଳେ ଦ୍ବିତୀୟ ୱିକେଟ ହରାଇ ସଙ୍କଟରେ ପଡିଥିଲା ଭାରତ । ତେବେ କ୍ୟାପଟେନ ବିରାଟ କୋହଲି ଓ ଚେତେଶ୍ବର ପୂଜାରାଙ୍କ ଧୈର୍ଯ୍ୟପୂର୍ଣ୍ଣ ବ୍ୟାଟିଂ ସହ ସ୍କୋର 100 ପାର କରାଇଥିଲେ ।