ହାମିଲଟନ: କ୍ବିଓ୍ବି ଦଳ ବିପକ୍ଷରେ 2ଟି ମ୍ୟାଚରେ ଭାରତ ସାନଦାର୍ ପ୍ରଦର୍ଶନ କରି 5 ମ୍ୟାଚ ବିଶିଷ୍ଟ ଟି-20 ସିରିଜରେ 2-0ରେ ଆଗୁଆ ରହିଛି । ଆଜି ଉଭୟ ଦଳ ମଧ୍ୟରେ 3ୟ ଟି-20 ମ୍ୟାଚ ଖେଳାଯିବ । ଏହା ପୂର୍ବରୁ 2ଟି ମ୍ୟାଚ ଅକଲାଣ୍ଡରେ ଖେଳାଯାଇଥିଲା । ଆଜି 3ୟ ମ୍ୟାଚଟି ହାମିଲଟନ ସ୍ଥିତ ସେଡନ ପାର୍କ ଗ୍ରାଉଣ୍ଡରେ ଖେଳାଯିବ ।
ପୂର୍ବ 2ଟି ମ୍ୟାଚରେ ଭାରତ ବିଜୟ ହାସଲ କରିଥିବାରୁ ଭାରତର ଆତ୍ମବିଶ୍ବାସ ଦୃଢ ରହିଛି । ଆଜି ଯଦି ଭାରତ ମ୍ୟାଚ ଜିତିଯାଏ , ଆଗୁଆ ସିରିଜ କବ୍ଜା କରିବ ।
ବର୍ତ୍ତମାନ ସୁଦ୍ଧା ଭାରତର ବିଜଯରେ କେ ଏଲ ରାହୁଲ, ଶ୍ରେୟସ ଆୟରଙ୍କ ଭୂମିକା ବେଶ୍ ମହତ୍ତ୍ବ ରହିଛି । ଅଧିନାୟକ ବିରାଟ ବି ବେଶ୍ ଭଲ ଫର୍ମରେ ରହିଛନ୍ତି । କିନ୍ତୁ ହିଟ୍ମ୍ୟାନଙ୍କ ବ୍ୟାଟିଂ ଯାଦୁ 2ଟି ମ୍ୟାଚରେ ଦେଖିବାକୁ ମିଳି ନଥିଲା । ଆଶା ରହିଛି ଏହି ମ୍ୟାଚରେ ରୋହିତଙ୍କ ବ୍ୟାଟିଂ ଯାଦୁ ଦେଖିବାକୁ ମିଳିବ ।
ବୋଲରଙ୍କ ପାଇଁ ଏହି ଗ୍ରାଉଣ୍ଡ ବେଶ୍ ଭଲ । ଅକଲାଣ୍ଡ ଗ୍ରାଉଣ୍ଡ ଠାରୁ ହାମିଲଟନର ବାଉଣ୍ଡ୍ରିଜ ବଡ ଥିବାରୁ ଉଭୟ ଦଳର ବୋଲରଙ୍କୁ ଲାଭ ମିଳିବ ।
ଅନ୍ୟପଟେ ଆୟୋଜକ ଦଳ ନ୍ୟୁଜିଲାଣ୍ଡ ପାଇଁ ଏହି ମ୍ୟାଚଟି ବେଶ୍ ଗୁରୁତ୍ବପୂର୍ଣ୍ଣ ରହିଛି । ଆଜି ଯଦି କ୍ବିଓ୍ବି ଟିମ ମ୍ୟାଚ ହାରିଯାଏ ,ସିରିଜ୍ ହାତଛଡା ହୋଇଯିବ । ଏହାକୁ ନଜର ରଖି କେନ୍ଙ୍କ ଟିମକୁ ସମସ୍ତ ବଭାଗରେ ସୁଧାର ଆଣିବାକୁ ପଡିବ । ଏଥିପାଇଁ ଅନ୍ତିମ-11ରେ ପରବର୍ତ୍ତନ କରି ପାରନ୍ତି ଅଧିନାୟକ କେନ ଓ୍ବିଲିୟମସନ । ବୋଲର ବ୍ଳେଆର ଟିକନେରଙ୍କ ସ୍ଥାନରେ ଡାର୍ଲି ମିଶେଲ ଓ ସ୍କଟ କୁଗଲେଜିନଙ୍କୁ ସୁଯୋଗ ଦେଇ ପାରନ୍ତି ।
ନ୍ୟୁଜିଲାଣ୍ଡ ସାମ୍ଭାବ୍ୟ ଏକାଦଶ: କଲିନ ମନ୍ରୋ, କେନ ୱିଲିୟମସନ(କ୍ୟାପଟେନ), ମାର୍ଟିନ ଗୁପ୍ଟିଲ, ରସ ଟେଲର, କଲିନ ଡି ଗ୍ରାଣ୍ଡହୋମ, ମିଚେଲ ସାଣ୍ଟନର, ଟିମ ସୈଫର୍ଟ(ୱିକେଟ କିପର), ଡାର୍ଲି ମିଶେଲ , ହାମିସ ବେନଟ, ଇସ ଶୋଧି, ଟିମ ସାଉଦୀ।
କେ ଏଲ ରାହୁଲ(ୱିକେଟ କିପର), ମନିଷ ପାଣ୍ଡେ, ରୋହିତ ଶର୍ମା, ଶ୍ରେୟସ ଆୟର, ବିରାଟ କୋହଲି(କ୍ୟାପଟେନ), ରବିନ୍ଦ୍ର ଜାଡେଜା, ଶିବମ ଦୁବେ, ଜସପ୍ରୀତ ବୁମରା, ମହମ୍ମଦ ସାମି, ଶାର୍ଦ୍ଦୁଳ ଠାକୁର, ୟୁଜଭେନ୍ଦ୍ର ଚହଲ।
