ସିଡନି: ଭାରତ ବିପକ୍ଷ ପିଙ୍କ୍ ବଲ ଅଭ୍ୟାସ ଟେଷ୍ଟ ମ୍ୟାଚରେ ପରାଜୟରୁ ବର୍ତ୍ତିଲା ଅଷ୍ଟ୍ରେଲିଆ ଏ । ସିଡନି କ୍ରିକେଟ ଗ୍ରାଉଣ୍ଡରେ ଖେଳାଯାଇଥିବା ଏହି ମ୍ୟାଚ ରବିବାର ଅମୀମାଂସିତ ଭାବେ ଶେଷ ହୋଇଛି । ଭାରତର ପ୍ରଭାବୀ ପ୍ରଦର୍ଶନ ସତ୍ତ୍ବେ ଶେଷ ଦିନରେ ବେନ ମେକଡରମଟ ଓ ଜାକ ୱିଲଡରମୁଥଙ୍କ ଲଢୁଆ ଅପରାଜିତ ଶତକ ଯୋଗୁଁ ବିନା ଫଳାଫଳରେ ଦ୍ବିତୀୟ ଅଭ୍ୟାସ ମ୍ୟାଚ ଶେଷ ହୋଇଛି ।
473 ରନର ବିଜୟ ଲକ୍ଷ୍ୟକୁ ପିଛା କରିଥିବା ଅଷ୍ଟ୍ରେଲିଆ ଏ ର ସ୍କୋର ଅନ୍ତିମ ସେସନ ସୁଦ୍ଧା 307/4 ରହିଥିଲା । ଫଳରେ ଉଭୟ ଟିମ ମ୍ୟାଚ ଅମୀମାଂସିତ ରଖିବାକୁ ନିଷ୍ପତ୍ତି କରିଥିଲେ । ମେକଡରମଟ 107 ଓ ୱିଲଡରମୁଥ 111 ରନର ଅପରାଜିତ ଇଂନିସ ଖେଳିଥିଲେ ।