ହାଇଦ୍ରାବାଦ: ଟିମ ଇଣ୍ଡିଆ ଏବେ ୱେଷ୍ଟଇଣ୍ଡିଜ ଗସ୍ତରେ ରହିଛି । ଟି-20 ସିରିଜକୁ 3-0 ଓ ଦିନିକିଆ ସିରିଜକୁ 2-0ରେ ଜିତିନେଇଛି ବିରାଟ ବାହିନୀ । ତେବେ ଆଇସିସି ଟେଷ୍ଟ ମାନ୍ୟତାର 1ନଂ ସ୍ଥାନରେ ଥିବା ଭାରତର ଲକ୍ଷ୍ୟ ଏବେ ଟେଷ୍ଟ ସିରିଜ ଉପରେ ।
କାରଣ ଅଗଷ୍ଟ 1ରୁ ଆରମ୍ଭ ହୋଇଥିବା ଆଇସିସି ବିଶ୍ବ ଟେଷ୍ଟ ଚମ୍ପିଆନସିପର ପ୍ରଥମ ମ୍ୟାଚ ଖେଳିବ ଭାରତ । ପ୍ରଥମ ଟେଷ୍ଟ ଅଗଷ୍ଟ 22ରୁ ଆରମ୍ଭ ହୋଇ 26 ପର୍ଯ୍ୟନ୍ତ ଖେଳାଯିବ । ପ୍ରଦର୍ଶନ ଦୃଷ୍ଟିରୁ ଘରୋଇ ୱେଷ୍ଟଇଣ୍ଡିଜ ଠାରୁ ଢେର ଆଗରେ ରହିଛି ଭାରତ । ଏମିତିକି କ୍ୟାପଟେନ କୋହଲି ଜବରଦସ୍ତ ଫର୍ମରେ ଥିବାବେଳେ, ଆଇସିସି ଟେଷ୍ଟ ମାନ୍ୟତାର ଶୀର୍ଷରେ ରହିଛନ୍ତି ।