ମୁମ୍ବାଇ: 3 ମ୍ୟାଚ ବିଶିଷ୍ଟ ଟି-20 ସିରିଜର ବିଜେତା ନିର୍ଣ୍ଣୟ କରିବ ୱାଙ୍ଖେଡେ ଠାରେ ଖେଳାଯାଉଥିବା ଆଜିର ମ୍ୟାଚ । ଟସ ଜିତି ଇଣ୍ଡିଜ ଦଳ ଅଧିନାୟକ କିରନ ପୋଲାର୍ଡ ବୋଲିଂ ନିଷ୍ପତ୍ତି ନେଇଛନ୍ତି । ସେପଟେ ଉଭୟ ଦଳର ଅଧିନାୟକ ଟସ ପରେ ନିଜ ନିଜର ପ୍ରତିକ୍ରିୟା ରଖିଛନ୍ତି ।
କୋହଲି କହିଛନ୍ତି ଯେ ‘ମୁଁ ଭାବୁଛି ଯେ ସ୍କୋର କରିବା ପାଇଁ ଏହା ଏକ ଭଲ ୱିକେଟ । ଗତ ମ୍ୟାଚରେ ଆମକୁ 15 ରନର ଅଭାବ ଥିଲା । ଫିଲ୍ଡିଂ ମଧ୍ୟ ଟି-20ରେ ଏକ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରେ । ଦ୍ବିତୀୟ ଟି-20ରେ ଆମେ ସୁଯୋଗ ହାତଛଡ଼ା କରି ନଥିଲେ ସ୍ଥିତି ଭିନ୍ନ ହୋଇଥାନ୍ତା । ଜଣେ ବ୍ୟାଟ୍ସ ମ୍ୟାନ ଭାବେ ଆପଣ ପ୍ରଥମେ ଆପଣଙ୍କ ଜୋନରେ ରୁହନ୍ତି । ଏହି ଗ୍ରାଉଣ୍ଡରେ ସ୍କୋର କରିବା ସହଜ ହେବ । ଯେଉଁମାନେ 50 ରନ ସ୍କୋର କରି ପାରନ୍ତି ସେମାନେ ଅଧିକ 25 ରନ କରିବା ନେଇ ପ୍ରସ୍ତୁତ ହେବା ଦରକାର । ମ୍ୟାଚରେ ଆମେ ଦୁଇଟି ପରିବର୍ତ୍ତନ କରିଛୁ ଜାଡେଜାଙ୍କ ସ୍ଥାନରେ ସାମି ଓ ଚହଲଙ୍କ ସ୍ଥାନରେ କୁଲଦୀପଙ୍କୁ ସୁଯୋଗ ଦିଆଯାଇଛି ।
ସେପଟେ କିରନ ପୋଲାର୍ଡ କହିଛନ୍ତି ଯେ, ‘ଆମେ ପ୍ରଥମେ ଫିଲ୍ଡିଂ କରିବୁ । ଏହି ଗ୍ରାଉଣ୍ଡରେ ଦ୍ବିତୀୟ ବ୍ୟାଟିଂ କଲେ କାକର ଏକ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିବ । ଏହା ନୂଆ ୱିକେଟ, ଆମେ ଭାରତକୁ କମ ରନରେ ସୀମିତ କରିବାକୁ ଚେଷ୍ଟା କରିବୁ । ଗତ ମ୍ୟାଚରେ ଭଲ ପ୍ରଦର୍ଶନ ଥିଲା । ଆମେ ଆହୁରି ସୁଧାର କରିବାକୁ ଚେଷ୍ଟା କରିବୁ । ଏହି ୱିକେଟରେ ଆମ ଖଳାଳି ନୂଆ ବଲରେ ବଲ ପ୍ରଦର୍ଶନ କରିବେ ବୋଲି ମୁଁ ଭାବୁଛି । ଆମ ଟିମରେ କୌଣସି ପରିବର୍ତ୍ତନ ନାହିଁ ।’