ବାରବାଟୀ ଦିନିକିଆ: ଭାରତୀୟ ଦଳରେ ନୂଆମୁହଁ ନବଦୀପ

ପେସ ବୋଲର ନବଦୀପ ସାଇନି ୱେଷ୍ଟଇଣ୍ଡିଜ ବିପକ୍ଷ ବାରବାଟୀରେ ଦିନିକିଆରେ ଡେବ୍ୟୁ କରିଛନ୍ତି । ଅଧିକ ପଢନ୍ତୁ...

କଟକ: ପେସ ବୋଲର ନବଦୀପ ସାଇନି ୱେଷ୍ଟଇଣ୍ଡିଜ ବିପକ୍ଷ ବାରବାଟୀରେ ଦିନିକିଆରେ ଡେବ୍ୟୁ କରିଛନ୍ତି । ଟିମ ଇଣ୍ଡିଆ କ୍ୟାପଟେନ ବିରାଟ କୋହଲି ସାଇନିଙ୍କୁ କ୍ୟାପ ପ୍ରଦାନ କରିଛନ୍ତି ।

27 ବର୍ଷିୟ ସାଇନି ଏଯାବତ 5ଟି ଅନ୍ତଜାର୍ତୀୟ 20 ମ୍ୟାଚ ଖେଳିଛନ୍ତି । ବିଶାଖାପଟ୍ଟନମରେ ଖେଳାଯାଇଥିବା 2ୟ ଦିନିକିଆରେ ଆହତ ହୋଇ ବାଦ ପଡିଥିଲେ ଦିପକ ଚହର । ଏହାପରେ ସାଇନିଙ୍କ ଡେବ୍ୟୁକୁ ନେଇ ଚର୍ଚ୍ଚା ହୋଇଆସୁଥିଲା । ଆଜିର ମ୍ୟାଚରେ ମହମ୍ମଦ ସାମି, ଶାର୍ଦ୍ଦୁଳ ଠାକୁର ଓ ନବଦୀପ ସାଇନି ଭାରତର ପେସ ବୋଲିଂ ବିଭାଗ ସମ୍ଭାଳିବେ ।

ଭାରତୀୟ ଚୂଡାନ୍ତ ଏକାଦଶ: ଲୋକେଶ ରାହୁଲ, ରୋହିତ ଶର୍ମା, ବିରାଟ କୋହଲି(କ୍ୟାପଟେନ), ଶ୍ରେୟସ ଆୟର, ଋକ୍ଷଭ ପନ୍ତ, କେଦର ଯାଦବ, ରବିନ୍ଦ୍ର ଜାଡେଜା, ନବଦୀପ ସାଇନି, ମହମ୍ମଦ ସାମି, ଶାର୍ଦ୍ଦୁଳ ଠାକୁର, କୁଲଦୀପ ଯାଦବ ।

ୱେଷ୍ଟଇଣ୍ଡିଜ ଚୂଡାନ୍ତ ଏକାଦଶ: ଇଭିନ ଲୁଇସ, ସାଇ ହୋପ(ୱିକେଟ କିପର), କିରଣ ପୋଲାର୍ଡ(କ୍ୟାପଟେନ), ସିମ୍ରନ ହେଟମେୟର, ରୋଷ୍ଟନ ଚେଜ, ନିକୋଲାସ ପୋରନ, ଜେଶନ ହୋଲ୍ଡର, କିମୋ ପୋଲ, ଆଲଜାରୀ ଜୋସେଫ, ଖାରି ପେରୀ, ସେଲଡନ କଟ୍ରେଲ ।