ଅହମ୍ମଦାବାଦ:ୱିକେଟ କିପର ବ୍ୟାଟ୍ସମ୍ୟାନ ଋଷଭ ପନ୍ତଙ୍କ ଧୁଆଁଧାର ଶତକ ବଳରେ ଇଂଲଣ୍ଡ ବିପକ୍ଷ 4ର୍ଥ ଟେଷ୍ଟରେ ଦୃଢ ସ୍ଥିତିରେ ପହଞ୍ଚିଛି ଭାରତ । ଦ୍ବିତୀୟ ଦିନ ଖେଳ ଶେଷ ସୁଦ୍ଧା ଭାରତ 294/7 ରହିଛି । ଫଳରେ ଇଂଲଣ୍ଡ ଠାରୁ 89 ରନର ଉପଯୋଗୀ ଅଗ୍ରଣୀ ହାସଲ କରିନେଇଛି ଘରୋଇ ଦଳ ।
ଇଂଲଣ୍ଡ ବିପକ୍ଷରେ ଏହା ପନ୍ତଙ୍କ ଦ୍ବିତୀୟ ଶତକ । ଓଭାଲ ଟେଷ୍ଟରେ ପୂର୍ବରୁ ବର୍ଷ 2018ରେ 114 ରନର ଇଂନିସ ଖେଳିଥିଲେ ।ଅକ୍ଷର ପଟେଲ 11 ଓ ୱାସିଂଟନ ସୁନ୍ଦର 60 ରନରେ ଅପରାଜିତ ଅଛନ୍ତି ।
ଇଂଲଣ୍ଡ ପକ୍ଷରୁ ଭେଟେରାନ ଦ୍ରୁତ ବୋଲର ଜେମ୍ସ ଆଣ୍ଡରସନ ସର୍ବାଧିକ 3ଟି ୱିକେଟ ଅକ୍ତିଆର କରିବା ସହ ସଫଳ ବୋଲର ରହିଛନ୍ତି । ବେନ ଷ୍ଟୋକ୍ସ ଓ ଜାକ ଲିଚ 2ଟି ଲେଖାଏଁ ୱିକେଟ ହାସଲ କରିଛନ୍ତି ।