ଚେନ୍ନାଇ: ଭାରତ ଓ ଇଂଲଣ୍ଡ ମଧ୍ୟରେ 4 ମ୍ୟାଚ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚରେ ଷ୍ଟାଡିୟମରେ ରହିବେନି ଦର୍ଶକ । ବିନା ଦର୍ଶକରେ ଖାଲି ଷ୍ଟାଡିୟମରେ ପ୍ରଥମ ଟେଷ୍ଟ ଖେଳାଯିବ । ଏନେଇ ତାମିଲନାଡୁ କ୍ରିକେଟ ସଂଘ ସମ୍ପାଦକ ଆରଏସ ରାମାସ୍ବାମୀ କହିଛନ୍ତି ।
ତେବେ ସମାନ ଗ୍ରାଉଣ୍ଡରେ ଦ୍ବିତୀୟ ଟେଷ୍ଟ ଖେଳାଯିବାକୁ ସୂଚୀ ରହିଛି । ଏହି ମ୍ୟାଚରେ ଷ୍ଟାଡିୟମ ଦର୍ଶକ କ୍ଷମତାର 50 ପ୍ରତିଶତ ଦର୍ଶକଙ୍କୁ ଷ୍ଟାଡିୟମରେ ମ୍ୟାଚ ଦେଖିବାକୁ ଅନୁମତି ଦେଇଛନ୍ତି ସରକାର ।
ଦ୍ବିତୀୟ ଟେଷ୍ଟ 13ଫେବ୍ରୁଆରୀରୁ 17ଫେବ୍ରୁଆରୀ ପର୍ଯ୍ୟନ୍ତ ଖେଳାଯିବା ନେଇ ସୂଚୀ ରହିଛି । ପ୍ରଥମ ଟେଷ୍ଟ ଫେବ୍ରୁଆରୀ 5ରୁ 9 ପର୍ଯ୍ୟନ୍ତ ଖେଳାଯିବ ।