ନୂଆଦିଲ୍ଲୀ: ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜରେ ହାର୍ଦ୍ଦିକ ପାଣ୍ଡ୍ୟାଙ୍କୁ ସ୍ଥାନ ମିଳିବା ଉଚିତ । କାରଣ ପାଣ୍ଡ୍ୟାଙ୍କ ପାଖରେ ସାଥୀ ଖେଳାଳିଙ୍କୁ ଉତ୍ସାହିତ କରିବାର ଅଦ୍ଭୁତ କୌଶଳ ରହିଛି । ଏହା କହିଛନ୍ତି ଅଷ୍ଟ୍ରେଲିଆର ପୂର୍ବତନ ସ୍ପିନର ତଥା କିମ୍ବଦନ୍ତୀ କ୍ରିକେଟର ସେନ ୱାର୍ଣ୍ଣ ।
ସିଡନିରେ ଖେଳାଯାଇଥିବା ଅଷ୍ଟ୍ରେଲିଆ ବିପକ୍ଷ ଟି-20 ସିରିଜର ଦ୍ବିତୀୟ ମ୍ୟାଚରେ ପାଣ୍ଡ୍ୟା 22 ବଲରୁ ଅପରାଜିତ 42 ରନର ଧୂଆଁଧାର ଇଂନିସ ଖେଳିଥିଲେ । ଫଳରେ ଟି-20 ସିରିଜ ବିଜୟୀ ହୋଇଥିଲା ଟିମ ଇଣ୍ଡିଆ । ତେବେ ତୃତୀୟ ଟି-20ରେ ନିରାଶ କରିଥିଲେ ।