ସିଡନି: ଆହତ ଅଷ୍ଟ୍ରେଲୀୟ ଓପନର ଡେଭିଡ ୱାର୍ଣ୍ଣରଙ୍କ ସ୍ଥାନରେ କିଏ ସ୍ଥାନ ପାଇବେ ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା । ଭାରତ ବିପକ୍ଷ ଦ୍ବିତୀୟ ଦିନିକିଆରେ ଫିଲ୍ଡିଂ ସମୟରେ ଆହତ ହୋଇଥିଲେ ୱାର୍ଣ୍ଣର । ପରେ ୱାର୍ଣ୍ଣରଙ୍କ ଆହତ ଗମ୍ଭୀର ଓ ସେ ତୃତୀୟ ତଥା ଶେଷ ଦିନିକିଆ ଓ ଟି-20 ଟିମରୁ ବାଦ ପଡିଥିବା ସ୍ପଷ୍ଟ କରିଛନ୍ତି କ୍ୟାପଟେନ ଆରୋନ ଫିଞ୍ଚ ।
ତେବେ ୱାର୍ଣ୍ଣରଙ୍କ ସ୍ଥାନରେ ବିକଳ୍ପ ଓପନର ଭାବେ ଏକାଧିକ ଖେଳାଳି ରହିଥିବା ସଙ୍କେତ ଦେଇଛନ୍ତି ଫିଞ୍ଚ । ୱିକେଟ କିପର ବ୍ୟାଟ୍ସମ୍ୟାନ ଆଲେକ୍ସ କ୍ୟାରୀ, ମାର୍ନସ ଲାବୁସାନ ଓ ମାଥ୍ୟୁ ୱେଡ୍ ଏହି ସମ୍ଭାବ୍ୟ ତାଲିକାରେ ରହିଛନ୍ତି ।
"ୱାର୍ଣ୍ଣର ଟିମର ଜଣେ ଗୁରୁତ୍ବପୂର୍ଣ୍ଣ ଖେଳାଳି, ସୀମିତ ଓଭର କ୍ରିକେଟରେ ତାଙ୍କର ଉପସ୍ଥିତି ସର୍ବଦା ଟିମକୁ ଶକ୍ତିଶାଳୀ କରିଥାଏ । ହ୍ବାଇଟବଲ କ୍ରିକେଟରେ ୱାର୍ଣ୍ଣର ଅନ୍ୟତମ ସର୍ବକାଳୀନ ଶେଷ୍ଠ ଖେଳାଳି" ବୋଲି କହିଛନ୍ତି ଫିଞ୍ଚ । ତାଙ୍କ ଅନୁପସ୍ଥିତିରେ ଟିମ ସାମାନ୍ୟ ଦୁର୍ବଳ ହେବ ମାତ୍ର ଦକ୍ଷ ବିକଳ୍ପ ଖେଳାଳିଙ୍କୁ ଭରଣା ପାଇଁ ସୁଯୋଗ ମିଳିବ ।