ଦୁବାଇ: ପ୍ରକାଶ ପାଇଛି ଆଇସିସି ମହିଳା ଦିନିକିଆ ମାନ୍ୟତା । ସଦ୍ୟ ପ୍ରକାଶିତ ତାଲିକାରେ ଭେଟେରାନ ମିତାଲି ରାଜ 10ମ ସ୍ଥାନରେ ଥିବାବେଳେ, ଓପନର ସ୍ମୃତି ମାନ୍ଧାନା 4ର୍ଥ ସ୍ଥାନରେ ରହିଛନ୍ତି । ତେବେ କୋରୋନା ଭାଇରସ ଲକଡାଉନ କାରଣରୁ ଭାରତୀୟ ମହିଳା ଟିମ ଗୋଟିଏ ବି ମ୍ୟାଚ ଖେଳିନାହିଁ । ଫଳରେ ମାନ୍ଧାନା ତାଲିକାର ଗୋଟିଏ ସ୍ଥାନ ତଳକୁ ଖସିଛନ୍ତି ।
ଅଷ୍ଟ୍ରେଲିଆ କ୍ୟାପଟେନ ମେଗ ଲାନିଙ୍ଗ ତାଲିକାର ଶୀର୍ଷରେ ରହିଛନ୍ତି । ନ୍ୟୁଜିଲାଣ୍ଡ ବିପକ୍ଷ ଦିନିକିଆ ସିରିଜକୁ ଅଷ୍ଟ୍ରେଲିଆ 3-0ରେ କ୍ଳିନ ସୁଇପ କରିଛି । ଏହି ସିରିଜରେ ପ୍ରଭାବୀ ପ୍ରଦର୍ଶନ କରିଥିଲେ । 101 ରନର ଶକତୀୟ ଇଂନିସ, ପ୍ଲେଆର ଅଫ ଦ ମ୍ୟାଚ ପ୍ରଦର୍ଶନ ସହ ଦୁଇଟି ମ୍ୟାଚରୁ 163 ରନ ସଂଗ୍ରହ କରିଥିଲେ । 28 ବର୍ଷୀୟା ମେଗ ଲାନିଙ୍ଗଙ୍କ ଏହି ପ୍ରଦର୍ଶନ ବଳରେ 4ଟି ସ୍ଥାନ ଉପରକୁ ଉଠି, ୱେଷ୍ଟଇଣ୍ଡିଜ କ୍ୟାପଟେନ ଷ୍ଟେଫାଇନ ଟେଲରଙ୍କୁ ଶୀର୍ଷ ସ୍ଥାନରୁ ହଟାଇଛନ୍ତି ।
ଏଥିସହିତ 5ମ ଥର ପାଇଁ ଲାନିଙ୍ଗ ଶୀର୍ଷ ସ୍ଥାନ ଅକ୍ତିଆର କରିଛନ୍ତି । ଅକ୍ଟୋବର 2018ରେ ଶେଷ ଥର ସେ ମାନ୍ୟତାର ଶୀର୍ଷରେ ରହିଥିଲେ ।