ଆଇିସିସି U-19ବିଶ୍ବକପ: ଇଂଲଣ୍ଡ ବିଦା, ଶେଷ ବଲରେ ଅଷ୍ଟ୍ରେଲିଆ ବିଜୟୀ

ଆଇିସିସି 19 ବର୍ଷରୁ କମ ବିଶ୍ବକପରେ ରୋମାଞ୍ଚ ବଢିବାରେ ଲାଗିଛି। ଗ୍ରୁପ-Bର ଇଂଲଣ୍ଡ ବିପକ୍ଷ ମ୍ୟାଚରେ ଶେଷ ବଲରେ ବିଜୟୀ ହୋଇଛି ଅଷ୍ଟ୍ରେଲିଆ। ଫଳରେ ଚଳିତ 19 ବର୍ଷରୁ କମ ବିଶ୍ବକପରୁ ବିଦାୟ ନେଇଛି ଇଂଲଣ୍ଡ। ଅଧିକ ପଢନ୍ତୁ...

କିମ୍ବରଲେ: ଆଇିସିସି 19 ବର୍ଷରୁ କମ ବିଶ୍ବକପରେ ରୋମାଞ୍ଚ ବଢିବାରେ ଲାଗିଛି। ଗ୍ରୁପ ପର୍ଯ୍ୟାୟର ମ୍ୟାଚ ଶେଷ ହେବାକୁ ଥିବାବେଳେ, ସଂଘର୍ଷପୂର୍ଣ୍ଣ ମ୍ୟାଚ ଦେଖିବାକୁ ମିଳିଛି। ଅଷ୍ଟ୍ରେଲିଆ ପକ୍ଷରୁ ଇଂଲଣ୍ଡକୁ ଲାଗିଛି ବଡ ଝଟକା । ସିନିୟର ଇଂଲଣ୍ଡ ଟିମ ବିଶ୍ବକପ ବିଜୟକୁ ମାତ୍ର କିଛି ମାସ ପରେ ଜୁନିୟର ଟିମ ଚଳିତ ଜୁନିୟର ବିଶ୍ବକପରୁ ବାଦ ପଡିଛି ।

ଅଷ୍ଟ୍ରେଲିଆ ବିଜୟୀ

ଗ୍ରୁପ-Bର ଅଷ୍ଟ୍ରେଲିଆ ବିପକ୍ଷ ମ୍ୟାଚରେ ଇଂଲଣ୍ଡ ପ୍ରଥମେ ବ୍ୟାଟିଂ କରି 252 ରନ କରିଥିଲା। ଓପନର ବେନ ଚାର୍ଲସୱର୍ଥ ଦମଦାର 82 ଓ 51 ରନର ଅର୍ଦ୍ଧଶତକୀୟ ଇଂନିସ ଖେଳିଥିଲେ। ଜାକ ହେନସ 31 ଓ କେସି ଅଲଡ୍ରିଗ 32 ରନ କରିଥିଲେ। 253 ରନକୁ ପିଛା କରି ଅଷ୍ଟ୍ରେଲିଆ ଶେଷ ବଲରେ ବିଜୟୀ ହୋଇଛି। ଫଳରେ ଇଂଲଣ୍ଡର ବିଶ୍ବକପ ଅଭିଯାନ ଶେଷ ହୋଇଛି।

କନର ସୁଲି, ମ୍ୟାନ ଅପ ଦ ମ୍ୟାଚ

ଶେଷ 26 ବଲରୁ ଅଷ୍ଟ୍ରେଲିଆ 47 ରନ ଆବଶ୍ୟକ କରୁଥିଲା। ଫଳରେ କନର ସୁଲି 20 ବଲରୁ 35 ରନର ଧୁଆଁଧାର ଇଂନିସ ଖେଳି ଅଷ୍ଟ୍ରେଲିଆକୁ ବିଜୟୀ କରାଇଥିଲେ । ଫଳରେ ସୁଲି ମ୍ୟାଚ ଅଫ ଦି ମ୍ୟାଚ ହୋଇଥିଲେ। ଗ୍ରୁପ Bରେ ୱେଷ୍ଟଇଣ୍ଡିଜ 6 ପଏଣ୍ଟ ସହ ପ୍ରଥମ ଓ ଅଷ୍ଟ୍ରେଲିଆ 4 ପଏଣ୍ଟ ସହ 2ୟ ସ୍ଥାନରେ ଅଛନ୍ତି।