ଦୁବାଇ: ପଦ ହରାଇଲେ କିଙ୍ଗ କୋହଲି । ଦୀର୍ଘ ଦିନ ଧରି ଆଇସିସି ଟେଷ୍ଟ ମାନ୍ୟାତର ଟପ୍ପର ଶେଷରେ ହରାଇଲେ ନିଜର ସ୍ଥାନ । କଙ୍ଗାରୁ କ୍ରିକେଟର ଛଡାଇ ନେଲେ ପଦବୀ । ପ୍ରଥମରୁ 2ୟକୁ ଖସିଲେ କୋହଲି । ସଦ୍ୟ ପ୍ରକାଶ ପାଇଥିବା ଆଇସିସି ଟେଷ୍ଟ ମାନ୍ୟତାରେ କୋହଲି ନିଜର ଶୀର୍ଷ ସ୍ଥାନ ହରାଇଛନ୍ତି । ତେବେ ନିକଟରେ ଶେଷ ହୋଇଥିବା ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଟେଷ୍ଟ ମ୍ୟାଚରେ ମାତ୍ର 21ରନ କରପାରିଥିଲେ କହୋଲି । ଯାହା ପାଇଁ ତାଙ୍କୁ ଏହି କ୍ଷତି ସହିବାକୁ ପଡିଛି ।
ତେବେ 911 ପଏଣ୍ଟ ସହ ଶୀର୍ଷ ସ୍ଥାନ ଅଧିକାର କରିଛନ୍ତି ଅଷ୍ଟ୍ରେଲିଆର ଅଭିଜ୍ଞ ବ୍ୟାଟ୍ସମ୍ୟାନ ଷ୍ଟିଭ ସ୍ମିଥ । ସେହିପରି ଏବେ 906 ପଏଣ୍ଟ ସହ ଦ୍ବିତୀୟ ସ୍ଥାନକୁ ଖସି ଆସିଛନ୍ତି କୋହଲି । 2015 ପରେ 8ମ ଥର ପାଇଁ ଶୀର୍ଷ ସ୍ଥାନରେ ବସିଛନ୍ତି ସ୍ମିଥ । 2015 ପରଠୁ ଲଗାତାର ମାନ୍ୟତାର ଶୀର୍ଷ ସ୍ଥାନ ଅଧିକାର କରି ଚାଲିଥିଲେ କୋହଲି । ତେବେ ମାନ୍ୟତାରେ ଫାଇଦା ପାଇଥିବା ଅନ୍ୟତମ କ୍ରିକେଟର ହେଲେ ନ୍ୟୁଜିଲାଣ୍ଡର କେନ ୱିଲିୟମସନ । 853 ପଏଣ୍ଟ ସହ ସେ 3ୟ ସ୍ଥାନକୁ ଉଠିଛନ୍ତି । ତେବେ ୱିଲିୟମସନ 2015 ଡିସେମ୍ବରରେ 8 ଦିନ ପାଇଁ ମାନ୍ୟତାର ଶୀର୍ଷ ସ୍ଥାନରେ ରହିଥିଲେ ।