ନୂଆଦିଲ୍ଲୀ: ଅନ୍ତର୍ଜାତୀୟ କ୍ରିକେଟ ପରିଷଦ ପକ୍ଷରୁ ସଦ୍ୟ ପ୍ରକାଶିତ ଟେଷ୍ଟ ମାନ୍ୟତାର ଶୀର୍ଷରେ ରହିଛି ଅଷ୍ଟ୍ରେଲିଆ । ଟିମ ପେଇନଙ୍କ ଟିମ ଦଶମିକ ଅଙ୍କ ଅନୁଯାୟୀ ନ୍ୟୁଜିଲାଣ୍ଡ ଉପରେ ରହିଛି ।
ନ୍ୟୁଜିଲାଣ୍ଡ ୱେଷ୍ଟଇଣ୍ଡିଜ ବିପକ୍ଷ ଦ୍ବିତୀୟ ଟେଷ୍ଟକୁ 12 ରନରେ ଜିତିନେଇଛି । ଏହି ବିଜୟ ପରେ 116 ପଏଣ୍ଟ ହାସଲ କରିଥିଲା ନ୍ୟୁଜିଲାଣ୍ଡ । ଫଳରେ କ୍ରିକେଟର ଲମ୍ବା ଫର୍ମାଟରେ ଅଷ୍ଟ୍ରେଲିଆ ସହ ଯୁଗ୍ମଭାବେ ଶୀର୍ଷ ସ୍ଥାନରେ କିୱି ଟିମ ରହିବା ନେଇ ଆଶା କରାଯାଉଥିଲା ।
ତେବେ ଆଇସିସି ପକ୍ଷରୁ ଟ୍ବିଟ ଯୋଗେଁ ଏନେଇ ସ୍ପଷ୍ଟିକରଣ ରଖାଯାଇଛି । ଅଷ୍ଟ୍ରେଲିଆ ଏବେବି 116.461 ପଏଣ୍ଟ ସହ ଶୀର୍ଷ ସ୍ଥାନରେ ରହିଛି । ନ୍ୟୁଜିଲାଣ୍ଡ 116.375 ପଏଣ୍ଟ ସହ ଦ୍ବିତୀୟ ସ୍ଥାନରେ ରହିଛି ।