ଚଣ୍ଡିଗଡ଼: ଆଇସିସି ଟ୍ବିଟର ଆକାଉଣ୍ଟର କଭର ଫଟୋରେ ଭାରତୀୟ ମହିଳା କ୍ରିକେଟ ସେଫାଲୀ ବର୍ମା। ଭାରତ ଓ ଦକ୍ଷିଣ ଆଫ୍ରିକା ମହିଳା କ୍ରିକେଟ ଦଳ ମଧ୍ୟରେ ଖେଳାଯାଇଥିବା ତୃତୀୟ ତଥା ଶେଷ ଟି-20 ମ୍ୟାଚରେ ସେଫାଳୀ ଧୂଆଁଦାର ଇନିଂସ ଖେଳିଥିଲେ। ଯାହାଫଳରେ ମଙ୍ଗଳବାର ଖେଳାଯାଇଥିବା ଏହି ମ୍ୟାଚକୁ ଭାରତ 9 ୱିକେଟରେ ଜିତି ପାରିଥିଲା। ସେଫାଲୀଙ୍କୁ ଶୁଭେଚ୍ଛା ଜଣାଇବା ପାଇଁ ଆଇସିସି ପକ୍ଷରୁ ତାଙ୍କ ଫଟୋକୁ କଭର ଫଟୋ ଭାବରେ ରଖା ଯାଇଛି।
ଦକ୍ଷିଣ ଆଫ୍ରିକା ବିରୋଧରେ ପ୍ରଥମ ଦୁଇଟି ଟି-20 ମ୍ୟାଚରେ ଭାରତ ଶୋଚନୀୟ ଭାବରେ ପରାଜିତ ହୋଇଥିଲା। ତେବେ ସମ୍ମାନ ବଞ୍ଚାଇବାକୁ ମଙ୍ଗଳ ଶେଷ ଟି-20 ମ୍ୟାଚ ଖେଳିବାକୁ ଓହ୍ଲାଇଥିଲା ଭାରତୀୟ ଦଳ। ତେବେ ଏହି ମ୍ୟାଚରେ ସେଫାଲୀ ମାତ୍ର 26ଟି ବଲରେ ଅର୍ଦ୍ଧ ଶତକ ପୂରଣ କରିଥିଲେ। ଏହା ତାଙ୍କ କ୍ୟାରିଅର ତୃତୀୟ ଦ୍ରୁତ ଅର୍ଦ୍ଧଶତକ।