ବର୍ତ୍ତମାନ ସମୟର ଶ୍ରେଷ୍ଠ ବ୍ୟାଟ୍ସମ୍ୟାନ ବିରାଟ କୋହଲି: ଇଆନ ଚାପେଲ

ପୂର୍ବତନ ଅଷ୍ଟ୍ରେଲିଆ କ୍ରିକେଟ ଟିମର କ୍ୟାପଟେନ ଇଆନ ଚାପେଲ, ବିରାଟ କୋହଲିଙ୍କୁ ବର୍ତ୍ତମାନ ସମୟର ଶ୍ରେଷ୍ଠ ବ୍ୟାଟ୍ସମ୍ୟାନ ଚୟନ କରିଛନ୍ତି ।

ନୂଆଦିଲ୍ଲୀ: ମହାମାରୀ କୋରୋନା ଭାଇରସ ସଂକ୍ରମଣ ଭୟ ଯୋଗୁଁ ବିଶ୍ବର ସମସ୍ତ ପ୍ରକାର କ୍ରିକେଟ ସ୍ଥଗିତ ରହିଛି । ଫଳରେ ବର୍ତ୍ତମାନ ଓ ପୂର୍ବତନ କ୍ରିକେଟର ସୋସିଆଲ ମିଡିଆରେ ସମୟ କାଟୁଥିବା ଦେଖିବାକୁ ମିଳିଛି ।

ପୂର୍ବତନ ଅଷ୍ଟ୍ରେଲିଆ କ୍ରିକେଟ ଟିମର କ୍ୟାପଟେନ ଇଆନ ଚାପେଲ, ବିରାଟ କୋହଲିଙ୍କୁ ବର୍ତ୍ତମାନ ସମୟର ଶ୍ରେଷ୍ଠ ବ୍ୟାଟ୍ସମ୍ୟାନ ଚୟନ କରିଛନ୍ତି । ଏମିତିକି ଅଷ୍ଟ୍ରେଲିଆର ଅନ୍ୟତମ ଷ୍ଟାର ବ୍ୟାଟ୍ସମ୍ୟାନ ଷ୍ଟିଭ ସ୍ମିଥଙ୍କୁ ମଧ୍ୟ କୋହଲିଙ୍କ ପରେ ସ୍ଥାନ ଦେଇଛନ୍ତି ଚାପେଲ ।

ଚାପେଲ ନିଜ ସମୟରେ ଅଷ୍ଟ୍ରେଲିଆ କ୍ରିକେଟ ଇତିହାସରେ ଜଣେ ଶ୍ରେଷ୍ଠ ଓ ପ୍ରଦର୍ଶନରେ ପ୍ରଭାବିତ କରିଥିବା ଖେଳାଳି ରହିଛନ୍ତି । ଅଷ୍ଟ୍ରେଲିଆ ପକ୍ଷରୁ ସେ 76ଟି ଟେଷ୍ଟ, 16ଟି ଦିନିକିଆ ମ୍ୟାଚ ଖେଳିଛନ୍ତି ।