ହାତ ମିଳାଇ ଲାଗିଲା ଭଗବାନଙ୍କ ସହ ହାତ ମିଳାଉଛି: ଯୁବରାଜ ସିଂହ

ଯୁବରାଜ ସିଂହଙ୍କ ଅବସରକୁ ବର୍ଷେ ପୂରିବା ଅବସରରେ ସେମାନଙ୍କ ପ୍ରଥମ ଦେଖାର ସ୍ମୃତି ସେୟାର କରିଥିଲେ ସଚିନ । ଧନ୍ୟବାଦ ଦେଇ ଯୁବରାଜ କଲେ ଭାବ ବିହ୍ବଳ ପୋଷ୍ଟ । ଅଧିକ ପଢ଼ନ୍ତୁ...

ହାଇଦ୍ରାବାଦ: ଯୁବରାଜଙ୍କ ଅବସର ଘୋଷଣାର ବର୍ଷେ ପୂରିବା ଅବସରରେ ସଚିନ ସେୟାର କରିଥିଲେ ଯୁବରାଜଙ୍କ ସହ ପ୍ରଥମ ଦେଖାର ସ୍ମୃତି । ତେବେ ସଚିନଙ୍କ ଟ୍ବିଟରେ ଆଉ ଏକ ଭାବ ବିହ୍ବଳ ଟ୍ବିଟ କରି ଧନ୍ୟବାଦ ଦେଇଛନ୍ତି ଯୁବରାଜ ସିଂହ ।

ଯୁବରାଜ ଟ୍ବିଟ କରି ଲେଖିଛନ୍ତି ଯେ, ‘‘ଧନ୍ୟବାଦ ମାଷ୍ଟର । ଆମେ ଯେତେବେଳେ ପ୍ରଥମ ଥର ଦେଖା ହୋଇଥିଲେ, ଆପଣଙ୍କ ସହ ହାତ ମିଳାଇ ମତେ ଲାଗିଲା ଭଗବାନଙ୍କ ସହ ହାତ ମିଳାଉଛି । ଆପଣ ମତେ ମୋ କଠିନ ସମୟରେ ମାର୍ଗ ଦର୍ଶନ ଦେଇଛନ୍ତି । ଆପଣ ମତେ ମୋ କ୍ଷମତା ଉପରେ ବିଶ୍ବାସ କରିବା ଶିଖାଇଲେ । ମୁଁ ଯୁବ ଖେଳାଳିଙ୍କ ପାଇଁ ସେଇ ଭୂମିକା ନିଭାଇବି ଯାହା ଆପଣ ମୋ ପାଇଁ ନିଭାଇଥିଲେ । ଆପଣଙ୍କ ସହ ଆହୁରି ସୁନ୍ଦର ସ୍ମୃତି ସବୁ ପାଇଁ ଅପେକ୍ଷା କରିଛି ।’’

ଯୁବିଙ୍କ ପାଇଁ ରୋହିତ ଶର୍ମା ମଧ୍ୟ ଟ୍ବିଟ କରି ଲେଖିଛନ୍ତି ଯେ, ‘‘ଆପଣଙ୍କ ସହ ଅନେକ ସୁନ୍ଦର ସ୍ମୃତି ରହିଛି । ଆଉ କିଛି ସମୟ ଆପଣ ଖେଳିଥାନ୍ତେ ବୋଲି ଆଶା କରୁଥିଲି ।’’