ନୂଆଦିଲ୍ଲୀ: ଭାରତୀୟ କ୍ରିକେଟ ବୋର୍ଡର ବଡ ନିଷ୍ପତ୍ତି । ଚଳିତ ବର୍ଷ ଆୟୋଜନ ହେବ ନାହିଁ ରଣଜୀ ଟୁର୍ଣ୍ଣାମେଣ୍ଟ । 87ବର୍ଷରେ ପ୍ରଥମଥର ପାଇଁ ପ୍ରଥମ ଶ୍ରେଣୀ ଘରୋଇ ଟୁର୍ଣ୍ଣାମେଣ୍ଟ ରଣଜୀ ଟ୍ରଫି ଖେଳା ଯିବନାହିଁ । କୋରୋନା ମହାମାରୀ କାରଣରୁ ଏପରି ନିଷ୍ପତ୍ତି ନେଇଛି ବିସିସିଆଇ । ତେବେ ଏହି ଟୁର୍ଣ୍ଣାମେଣ୍ଟ ବଦଳରେ ବିଜୟ ହଜାରେ ଟ୍ରଫି ପାଇଁ ସବୁଜ ସଙ୍କେତ ଦେଇଛି ବିସିସିଆଇ ।
ଏପ୍ରିଲରେ ଆଇପିଏଲର 14ତମ ସଂସ୍କରଣ ଆରମ୍ଭ ହେବ । ଏପରି ସମୟରେ ବିସିସିଆଇ ପାଖରେ ଘରୋଇ ଟୁର୍ଣ୍ଣାମେଣ୍ଟର ଆୟୋଜନ ପାଇଁ ମାତ୍ର 2 ମାସ ରହିଛି । ଏହାକୁ ଧ୍ୟାନରେ ରଖି ବିସିସିଆଇ ସମସ୍ତ ରାଜ୍ୟ କ୍ରିକେଟ ସଂଘକୁ ବିଜୟ ହଜାରେ ଟ୍ରଫି ଓ ରଣଜୀ ଟ୍ରଫି ମଧ୍ୟରୁ କୌଣସି ଏକ ଟୁର୍ଣ୍ଣାମେଣ୍ଟର ଆୟୋଜନ ପାଇଁ ମତ ଲୋଡିଥିଲା ।