ମୁମ୍ବାଇ: ଖୁବଶୀଘ୍ର ବାପା ହେବାକୁ ଯାଉଛନ୍ତି ଭାରତୀୟ କ୍ରିକେଟର ହାର୍ଦ୍ଦିକ ପାଣ୍ଡ୍ୟା । ହାର୍ଦ୍ଦିକ ଏବଂ ତାଙ୍କ ପ୍ରେମିକା ତଥା ସର୍ବିୟାନ ବଲିଉଡ ଅଭିନେତ୍ରୀ ନାତାସା ଷ୍ଟାନକୋଭିକ୍ ଏକାସାଙ୍ଗରେ ଥିବା ଏକ ଫଟୋ ସୋସିଆଲ ମିଡିଆରେ ସେୟାର କରି ନିଜ ଫ୍ୟାନସଙ୍କୁ ଖୁସି ଖବର ଦେଇଛନ୍ତି ।
ହାର୍ଦ୍ଦିକ ନିଜ ଇନଷ୍ଟାଗ୍ରାମ ହ୍ୟାଣ୍ଡେଲରେ ଏହି ଯୋଡିଙ୍କ ଅନେକ ଫଟୋ ପୋଷ୍ଟ କରିଥିବାବେଳେ ନତାସା ଗର୍ଭବତୀ ଥିବା ସେ କହିଛନ୍ତି । ଏହି ଫଟୋରେ ନତାସା ନିଜର ବେବି ବମ୍ପ ସହ ହାର୍ଦ୍ଦିକଙ୍କ ପାଖରେ ଠିଆ ହୋଇଛନ୍ତି । ଯେଉଁଥିରେ ଏହି ଯୋଡି ନିଜର ପ୍ରଥମ ସନ୍ତାନ ଜନ୍ମକୁ ନେଇ ବେଶ ଖୁସି ଥିବା ଜଣାପଡୁଛନ୍ତି ।