ହାଇଦ୍ରାବାଦ୍: ଅନ୍ତର୍ଜାତୀୟ କ୍ରିକେଟକୁ ଅଲବିଦା କହିସାରିଛନ୍ତି ଯୁବରାଜ ସିଂହ । ଭାରତୀୟ କ୍ରିକେଟରେ ଆଉ ନାହିଁ ତାଙ୍କର ସ୍ଥାନ । କିନ୍ତୁ ଏବେବି ଯୁବିଙ୍କ ଜଲୱା ଜାରି ରହିଛି । କିନ୍ତୁ ଏଥର ଭାରତୀୟ କ୍ରିକେଟରେ ନୂହେଁ ବରଂ ବିଦେଶୀ କ୍ରିକେଟ ଲିଗରେ । ସେହି ଅନ୍ଦାଜରେ ଲାଗୁଛି ଛକା ଚୌକା । ଆଉ ଏହାକୁ ଦେଖି ଭାରତୀୟ ଫ୍ୟାନ୍ସ ଖୁସ୍ ।
ଭିଡିଓ ସୌଜନ୍ୟ- ସୋସିଆଲ ମିଡିଆ ତେବେ କାନାଡାର ଗ୍ଲୋବାଲ୍ ଟି-20ରେ ଟରଣ୍ଟୋ ନ୍ୟାସନାଲ ଦଳର ନେତୃତ୍ୱ ନେଉଛନ୍ତି ଯୁବି । ଏଡମଣ୍ଟନ୍ ରୟାଲ୍ସ ବିପକ୍ଷ ଏକ ମ୍ୟାଚରେ 21 ବଲରେ ୩୫ ରନ୍ କରିଛନ୍ତି ସେ । ତାଙ୍କର ଏହି ଇନିଂସ ମଧ୍ୟରେ 3 ଟି ଛକା ଓ 3 ଟି ଚୌକା ସାମିଲ ଅଛି । ତେବେ ଏଥିରୁ ସେ ଦୁଇଟି ଛକା ପାକିସ୍ତାନୀ ସ୍ପିନର ଶଦାବ ଖାନଙ୍କ ବଲରେ ମାରିଛନ୍ତି । ତାଙ୍କର ଏହି ଇନିଂସ୍ ବଳରେ ଦଳ 2 ୱିକେଟରେ ବିଜୟୀ ହୋଇଛି ।
