ରାଜକୋଟ: ଚଳିତ ବର୍ଷ ଶେଷରେ ଅଷ୍ଟ୍ରେଲିଆ ଗସ୍ତକୁ ଦୃଷ୍ଟିରେ ରଖି ଚେତେଶ୍ବର ପୂଜାରା ନେଟ୍ସରେ ଆରମ୍ଭ କରି ଦେଇଛନ୍ତି ଅଭ୍ୟାସ । ଟେଷ୍ଟରେ ସ୍ପେଶାଲିଷ୍ଟ ବ୍ୟାଟ୍ସମ୍ୟାନ ଶନିବାର ଟ୍ବିଟରରେ ତାଙ୍କର ନେଟ ପ୍ରାକ୍ଟିସର ଏକ ଭିଡିଓ ସେୟାର କରିଛନ୍ତି ।
ପୂଜାରା ଏହି ଭିଡିଓ ସେୟାର କରି କହିଛନ୍ତି, ‘‘ଗେଟିଂ ବ୍ୟାକ ଟୁ ଦ ଗ୍ରୁଭ ।’’ ଭିଡିଓରେ ସେ ଡ୍ରାଇଭ, ପୁଲ ଓ ଡିଫେଣ୍ଡ କରୁଥିବାର ନଜର ଆସୁଛନ୍ତି । ଅନେକ ଦିନ ପରେ ନେଟ୍ସକୁ ଫେରିଥିବାରୁ ବେଶ୍ ଖୁସି ଜଣା ପଡୁଛନ୍ତି ପୂଜାରା ।
ନିକଟରେ ପୂଜାରା ଗତ ବର୍ଷ ଅଷ୍ଟ୍ରେଲିଆରେ ସିରିଜ ବିଜୟ ଉତ୍ସବ ପାଳନ କରୁଥିବା ଭାରତୀୟ ଟେଷ୍ଟ ଦଳର ଏକ ଫଟୋ ସେୟାର କରି କହିଥିଲେ ଯେ ସେ ଡ୍ରେସିଂ ରୁମରେ ଖେଳାଳିଙ୍କ ସହ ଫେରିବା ପାଇଁ ଅପେକ୍ଷା କରି ପାରୁନାହାନ୍ତି ।
ପୂଜାରା ଶେଷ ଥର ପାଇଁ ମାର୍ଚ୍ଚରେ ଖ୍ରୀଷ୍ଟଚର୍ଚରେ ନ୍ୟୁଜିଲ୍ୟାଣ୍ଡ ବିପକ୍ଷ ଦ୍ବିତୀୟ ଟେଷ୍ଟରେ ଭାରତ ପାଇଁ ଖେଳିଥିଲେ।