ନୂଆଦିଲ୍ଲୀ: 1983 ବିଶ୍ବକପ ବିଜେତା କ୍ୟାପଟେନ କପିଳ ଦେବ ଅସୁସ୍ଥ । ଫଳରେ ଶୁକ୍ରବାର ସୋସିଆଲ ମିଡିଆରେ ଆଶୁ ଆରୋଗ୍ୟ କାମନା କରିଛି କ୍ରୀଡା ଜଗତ ।
ପୂର୍ବତନ ଭେଟେରାନ କ୍ରିକେଟର ମଦନ ଲାଲ, ସଚିନ ତେନ୍ଦୁଲକର ଓ ଟିମ ଇଣ୍ଡିଆ କ୍ୟାପଟେନ ବିରାଟ କୋହଲି ଟ୍ବିଟ ଯୋଗେଁ ଆଶୁ ଆରୋଗ୍ୟ କାମନା କରିଛନ୍ତି ।
ବିଶନ ସିଂ ବେଦି, ମହମ୍ମଦ କୈଫ, ଭିଭିଏଲ ଲକ୍ଷ୍ମଣ ଓ ହରଭଜନ ସିଂ, ଯୁବରାଜ ସିଂ ମଧ୍ୟ ଆରୋଗ୍ୟ କାମନା କରିଛନ୍ତି ।
ଗୁରୁବାର ବିଳମ୍ବିତ ରାତିରେ ସାମାନ୍ୟ ଯନ୍ତ୍ରଣା ଅନୁଭବ କରିଥିଲେ କପିଳ ଦେବ । "ଏବେ ସ୍ବାସ୍ଥ୍ୟବସ୍ଥା ସ୍ଥିର ରହିଛି । ଡିସଚାର୍ଜ ପୂର୍ବରୁ 48ରୁ 72 ଘଣ୍ଟା ପର୍ଯ୍ୟନ୍ତ ସାଧାରଣ ରୋଗୀଙ୍କୁ ରଖାଯାଇଥାଏ । ଦୀର୍ଘ ଦିନ ଧରି ମଧୁମେହ ରୋଗର ଶିକାର ଅଛନ୍ତି କପିଳ ଦେବ ।" ଏହା କହିଛନ୍ତି ଜଣେ ବରିଷ୍ଠ ଡାକ୍ତର ।
ବ୍ୟୁରୋ ରିପୋର୍ଟ, ଇଟିଭି ଭାରତ
