ବ୍ରିସବେନ: ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଟି-20ରେ ବିଜୟୀ ହୋଇଛି ଅଷ୍ଟ୍ରେଲିଆ ମହିଳା ଟିମ । 3 ମ୍ୟାଚ ବିଶିଷ୍ଟ ଟି-20 ସିରିଜର ପ୍ରଥମ ମ୍ୟାଚରେ ଏଲେସ ଗାର୍ଡନରଙ୍କ 61 ରନ ବଳରେ ଅଷ୍ଟ୍ରେଲିଆ, ନ୍ୟୁଜିଲାଣ୍ଡ ସାମ୍ନାରେ 139 ରନର ବିଜୟ ଲକ୍ଷ୍ୟ ରଖିଥିଲା । ମାତ୍ର ସୋଫି ଡିଭାଇନଙ୍କ ନ୍ୟୁଜିଲାଣ୍ଡ ଟିମ ନିର୍ଦ୍ଧାରିତ 20 ଓଭରରେ 127 ରନ କରିପାରିଥିଲା । ଫଳରେ 17 ରନରେ ବିଜୟୀ ହେବା ସହ 1-0ରେ ଆଗୁଆ ରହିଛି ଅଷ୍ଟ୍ରେଲିଆ ।
ଟି-20 ବିଶ୍ବକପରେ ପରେ ଉଭୟ ଟିମ ପ୍ରଥମ ଅନ୍ତର୍ଜାତୀୟ ମ୍ୟାଚ ଖେଳିଥିଲେ । ଆଲାନ ବର୍ଡର ଗ୍ରାଉଣ୍ଡରେ ଟସ ଜତି ପ୍ରଥମ ବୋଲିଂ ନିଷ୍ପତ୍ତି ନେଇଥିଲା ନ୍ୟୁଜିଲାଣ୍ଡ । ପରେ ଗାର୍ଡନରଙ୍କ 61 ରନର ଅର୍ଦ୍ଧଶତକୀୟ ଇଂନିସ ସହାୟତାରେ 138 ରନ କରିବାକୁ ସମର୍ଥ ହୋଇଥିଲା ଅଷ୍ଟ୍ରେଲିଆ ।
ଗାର୍ଡନଙ୍କ ଇଂନିସରେ 6ଟି ଚୌକା ଓ 3 ଛକା ସାମିଲ ରହିଛି । କ୍ୟାପଟେନ ମେଗ ଲାନିଙ୍ଗ 24 ଓରାଇକଲ ହେଇନିସ 23ରନ କରିଥିଲେ ।