ନୂଆଦିଲ୍ଲୀ:କେନ୍ଦ୍ର ସରକାର ଆଣିଥିବା 3ଟି ନୂତନ କୃଷି ଆଇନ ପ୍ରତ୍ୟାହାର ଦାବିରେ ଚାଷୀ ଆନ୍ଦୋଳନ ଜାରି ରହିଛି । ସ୍ଥିତି ଏପରି ହୋଇଛି ଯେ, କୃଷକ ସଂଗଠନ ଓ ସରକାର ମୁହାଁମୁହିଁ ହୋଇଛନ୍ତି । ତେବେ ଏନେଇ ପୂର୍ବତନ ଟିମ ଇଣ୍ଡିଆ ଅଲରାଉଣ୍ଡର ଯୁବରାଜ ସିଂହ ଗୁରୁବାର କହିଛନ୍ତି, ତାଙ୍କର ''ବିଶ୍ବାସ'' ରହିଛି ଯେ ଏକ ଶାନ୍ତିପୂର୍ଣ୍ଣ ସମାଧାନର ରାସ୍ତା ଶୀଘ୍ର ବାହାରିବ ।
ଯୁବରାଜ ଟ୍ବିଟରେ ଲେଖିଛନ୍ତି, "ଭାରତର ଜଣେ ଗର୍ବିତ ନାଗରିକ ଭାବେ, ଆମକୁ ଏହି ସମୟରେ ଏକତ୍ର ରହିବାକୁ ହେବ । ଏପରି କୌଣସି ସମସ୍ୟା ନାହିଁ, ଯାହାର ସମାଧାନ ହୋଇପାରିବନି । ଆମର କୃଷକ ସମୁଦାୟ ଆମ ଦେଶର ଜୀବନବିନ୍ଦୁ(ଆତ୍ମା) । ସେଥିପାଇଁ ମୋର ଦୃଢ ବିଶ୍ବାସ ଯେ, ଏକ ଶାନ୍ତିପୂର୍ଣ୍ଣ ସମାଧାନ ଖୁବଶୀଘ୍ର ହେବ ।"