ସାଉଥମ୍ପଟନ: ଆଜି ଇଂଲଣ୍ଡ- ଅଷ୍ଟ୍ରେଲିଆ ମଧ୍ୟରେ ଟି-20 ସିରିଜର 2ୟ ମୁକାବିଲା । ପ୍ରଥମ ମ୍ୟାଚରେ ଉଭୟ ଦଳ ମଧ୍ୟରେ କଡା ମୁକାବିଲା ଦେଖିବାକୁ ମିଳିଥିଲା । ସିରିଜର 1ମ ମ୍ୟାଚରେ ଭ୍ରମଣକାରୀ ଦଳ ମାତ୍ର 2ରନ୍ରେ ଆୟୋଜକ ଦଳ ଇଂଲଣ୍ଡ ଠାରୁ ପରାସ୍ତ ହୋଇଛି । ତେବେ ଆଜିର ମ୍ୟାଚ ଉଭୟ ଦଳ ପାଇଁ ବେଶ ଗୁରୁତ୍ବପୂର୍ଣ୍ଣ ରହିଛି ।
କଙ୍ଗାରୁ ଦଳ ଆଜିର ମ୍ୟାଚ ଜିତି ସିରିଜକୁ ବରାବର ଲକ୍ଷ୍ୟରେ ଦ ରୋଜ ବାଉଲ ଗ୍ରାଉଣ୍ଡକୁ ଓହ୍ଲାଇବ । ସେହିପରି ଘରୋଇ ଦଳ 2ୟ ମ୍ୟାଚ ନିଜ ନାଁରେ କରି ଆଗୁଆ ସରିଜ କବ୍ଜା ଲକ୍ଷ୍ୟରେ ରହିଛି ।
ତେବେ 2ୟ ମ୍ୟାଚ ପୂର୍ବରୁ ଅଷ୍ଟ୍ରେଲିଆର ଅନୁଭବୀ ଫାଷ୍ଟ ବୋଲର ପାଟ କମିନ୍ସ କହିଛନ୍ତି ଯେ, ଟିମରେ ମହେନ୍ଦ୍ର ସିଂ ଧୋନିଙ୍କ ପରି ଜଣେ ଖେଳାଳିଙ୍କ ଆବଶ୍ୟକତା ରହିଛି ।