କେପଟାଉନ: ଇଂଲଣ୍ଡ କ୍ରିକେଟ ଟିମ ଆସନ୍ତା ମାସରେ 6ଟି ସୀମିତ ଓଭର ମ୍ୟାଚ ଖେଳିବାକୁ ଦକ୍ଷିଣ ଆଫ୍ରିକା ଗସ୍ତ କରିବ । ଦକ୍ଷିଣ ଆଫ୍ରିକା ସରକାର ଅତିଥି ଟିମକୁ କୋରୋନା ଭାଇରସ ଜନିତ ଯାତ୍ରା କଟକଣାକୁ ମୁକ୍ତ କରିଛି ।
ଇଂଲଣ୍ଡ ଓ ଦକ୍ଷିଣ ଆଫ୍ରିକା ମଧ୍ୟରେ 3 ମ୍ୟାଚ ବିଶିଷ୍ଟ ଟି-20 ସିରିଜ ଓ ସମାନ ସଂଖ୍ୟକ ଦିନିକିଆ ସିରିଜ ଖେଳାଯିବ । 4ଟି ମ୍ୟାଚ କେପଟାଉନରେ ଖେଳାଯିବା ନେଇ ସ୍ଥିର ହୋଇଥିବାବେଳେ, ଅବଶିଷ୍ଟ ଦୁଇଟି ମ୍ୟାଚ ନିକଟସ୍ଥ ସହର ପର୍ଲରେ ଖେଳାଯିବ । ଅର୍ଥାତ ଇଂଲଣ୍ଡ ଟିମ ଗୋଟିଏ ହୋଟଲରେ ଜୈବ ସୁରକ୍ଷା ବଳୟରେ ରହିବ । ଦକ୍ଷିଣ ଆଫ୍ରିକାରେ ଏଯାବତ 7 ଲକ୍ଷକୁ ଅଧିକ କୋରୋନା ଭାଇରସ ପଜିଟିଭ ସଂଖ୍ୟା ସାମ୍ନାକୁ ଆସି ସାରିଛି ।