ସେଣ୍ଟ କିଟ୍ସ ଏଣ୍ଡ ନେଭିସ: ଗତକାଲି ଏଠାରେ ଇଂଲଣ୍ଡ-ୱେଷ୍ଟଇଣ୍ଡିଜ ମଧ୍ୟରେ 2ୟ ଟି20 ଖେଳାଯାଇଥିବାବେଳେ ଏଥିରେ ବିଜୟ ହୋଇ ରେକର୍ଡ କରିଛି ଇଂଲଣ୍ଡ ଦଳ । ଏହି ବିଜୟ ସହ ଇଂଲଣ୍ଡ ଟି20 ଇତିହାସରେ ନିଜର ସବୁଠାରୁ ବଡ ବିଜୟ ପାଇଛି । ଏହାସହ ୱେଷ୍ଟଇଣ୍ଡିଜ ନିଜ ଟି20 ଇତିହାସରେ ସର୍ବନିମ୍ନ ସ୍କୋର କରିଛି ।
ପ୍ରଥମେ ବ୍ୟାଟିଂ କରି ଇଂଲଣ୍ଡ ନିର୍ଦ୍ଧାରିତ 20 ଓଭରରେ 6 ୱିକେଟ ହରାଇ 182 ରନ କରିଥିଲା । ଏହାର ଜବାବରେ କାରବିୟାନ ଦଳ ମାତ୍ର 45 ରନରେ ଅଲଆଉଟ ହୋଇଯାଇଥିଲା । ଏହା ହେଉଛି ଟି20 କ୍ରିକେଟରେ ୱେଷ୍ଟଇଣ୍ଡିଜର ସବୁଠାରୁ ସର୍ବନିମ୍ନ ସ୍କୋର । ଏହିକ୍ରମରେ ଦଳ ପୂର୍ବରୁ ନିଜ ନାମରେ ଥିବା ରେକର୍ଡ ଭାଙ୍ଗିଛି । ଗତବର୍ଷ ପାକିସ୍ତାନ ବିରୋଧରେ 60 ରନରେ ଅଲଆଉଟ ହୋଇ ସବୁଠାରୁ ଲୋ ସ୍କୋରର ରେକର୍ଡ କରିଥିଲା ୱେଷ୍ଟଇଣ୍ଡିଜ ଟିମ ।